web counter
LEXO PA REKLAMA!

SHKARKO APP

App Store
Google Play

E fundit!

x

AMA dhe AKEP si bandë e kamikazëve të Fugës

27 Dhjetor 2018, 17:41, Aktualitet CNA

Kryeministrit të vendit dhe shefit të tij të propagandës nuk ju del inati me mediat.

Me një ligj të shkruar në zyrën e Endri Fugës dy institucione të rëndësishme si AMA dhe AKEP kanë marrë rolin e kamikazit politik të Kryeministrit.

Me një ligj shkruar jo keq, por me frymë hakmarrëse dhe inat prej perversi, qeveria kërkon të mbyllë me censurë fjalën e lirë.

Duke u fshehur gjoja pas ?Fake News? apo abuzimeve të shumë portaleve online qeveria kërkon t’i vërë në kontroll të gjithë dhe të ushtrojë presion dhe censurë.

AMA me shpejtësi po merr përsipër që me rrugën e aventurës të quajë të konsultuar një ligj që në takimin e parë u hodh poshtë i gjithi jo vetëm nga përfaqësues të mediave online.

Ligji duket të jetë një shpatë e demokleut mbi të vetmin segment të fjalës së lirë në Shqipëri dhe këto media të shkruara duhet tashmë t’i kontrollojë një Komision dhe Këshilli i AMA-s. Në fakt, së fundi një anëtarë i Këshillit Drejtues të AMA-s është kapur në konflikt interesi e të tjerët kanë jo pak problem. Thelbësori është se ata janë përfaqësues të PS, PD apo LSI, pra sistemi kërkon të kontrollojë kundërshtarët e tij.

Fatkeqësisht rolin e kamikazit e ka marrë AMA, që me nxitim, pa një konsultim të vërtetë dhe në kundërshti të plotë, po shpejton të çojë në Parlament ligjin e shkruar në zyrën e Endri Fugës që as Gentjan Salaj, as Ilir Zela dhe as vetë juristja e Kryeministrisë nuk e argumentonin dhe mbronin dot.

Sot, banda e kamikazëve të Endri Fugës flet në emër të një ligji antikushtetues, që duket se përpara se të kthehet në censurë për mediat online do hajë kokën e vetë Kryeministrit dhe kamikazëve të tij të propagandës./ CNA.al





Lajmet e fundit nga