web counter
LEXO PA REKLAMA!

SHKARKO APP

App Store
Google Play

E fundit!

x

PD nxjerr dokumentin/ Zbulohet kush e privatizoi zonën e ish-Serës

24 Dhjetor 2018, 15:58, Aktualitet CNA

Partia Demokratike ka reaguar pas deklaratave të  drejtorit të Drejtimit të Pronës Publike, i cili hodhi poshtë akuzat e deputeteve të PD-së, Jorida Tabakut dhe Ina Zhupës ndaj ministrit të Financave Arben Ahmetajt.

Në njoftimin e PD-së për mediat thuhet se Ahmetaj bëri budallain për të mbyllur me burokraci çështjen, duke bërë të mendohet se ishte Edmond Bego ai që privatizoi zonën e ish-Serës.

“Arben Ahmetaj bëri budallain për të mbuluar me burokraci të të vërtetën se ishte trafikanti Edmond Bego ai që i pagoi Ministrisë së Financave 1.5 milionë euro për privatizimin e ish serave.”- shkruhet aty

Me tej në njoftim, shkruhet se është e provuar që ?Inerte Ekspres? që i përket mikut të deputetit të PS-së, Taulant Ballës, ka bërë 4 pagesa pë këtë privatizim.

“Është e provuar se ?Inerte Ekspres? i përket plotësisht mikut të Taulant Ballës dhe se, nëpëmjet saj, janë bërë 4 pagesa për llogari të Ministrisë së Financave përpara se ajo të lidhte kontratën e privatizimit.”-vijohet më tej.

Ndër të tjera në fund të njoftimit shtohet se Ahmetaj nuk mund të fshehë se privatizimi i kësaj zone u bë vetëm pasi sipas tyre trafikanti  mori përsipër procedurën, ku theksohet edhe se ende nuk ka prova nëse ministri i Financave ka pjesë në projektin e rezidencës që do ndërtohet.

“Arben Ahmetaj mund të nxjerrë arkivin e Ministrisë së Financave, që nga krijimi i saj, por nuk mund të fshehë dot faktin se ai e privatizoi pronën vetëm pasi trafikanti i drogës  mori përsipër të mbyllë procedurën e privatizimit.

A ka pjesë Arben Ahmetaj në projektin rezidencial 60 milionë euro që zhvendosi Lanën me firmën e Ramës dhe Veliajt?

Përgjigja për këtë pyetje është vetëm çështje kohe.” ?mbyllet njoftimi i Partisë Demokratike./CNA.al





Lajmet e fundit nga