E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Buxheti për vitin 2019/ PS-LSI bashkojnë sërish votat

24 Dhjetor 2018, 14:23, Aktualitet CNA

Këshilli Bashkiak i qytetit të Elbasanit miratoi ditën e sotme buxhetin e vitit 2019 për zhvillimin e qytetit dhe investimet.

Ky buxhet u miratua me shumicë votash nga Këshilli Bashkiak, 45 nga 51 që janë gjithsej, ndërsa 2 këshilltarë mungonin.

Votave të 16 këshillëtarëve të Partisë Socialiste për miratimin e këtij buxheti iu bashkuan edhe ato të këshilltarëve të LSI-së, PDIU-së, PR-së, FRD-së e PLL-së, ndërsa katër këshilltarët e PD-së që ishin në mbledhje u shprehën kundër projektbuxhetit 2019.

Kreu i Bashkisë së Elbasanit, Qazim Sejdini prezantoi para këshilltarëve buxhetin e vitit 2019, si i 12-i buxhet nën drejtimin e tij. Gjatë fjalës së tij, Sejdini theksoi se buxhetet nuk janë të lehtë, e sidomos sfidat që dalin përpara bashkive pas reformës territoriale.

?Bashkia e Elbasanit ka kaluar me sukses një sfidë të madhe, sfidën e hartimit të një buxheti efektiv, të qëndrueshëm nga viti në vit, një buxheti pa deficit, një buxhet ku përqindja më e madhe shkon tek investimet e shërbimet publike.

Për vitin 2019 Bashkia e Elbasanit ka parashikuar një draft buxhet prej 2.7 miliardë lekësh, i cili nëse përpjesëtohet me numrin e banorëve në Bashkinë Elbasan, çdo banor do të marrë shërbime dhe produkte bashkiake në vlerë rreth 15 mijë lekë të reja, ndërkohë që paguan vetëm 2400 lekë të reja në vit, pra bashkia subvencionin nga bashkia në masën 80%?-tha ai.

Qazim Sejdini u shpreh se objektivi kryesor për një bashki sociale, është puna për lehtësimin e gjendjes së të varfërve në ofrimin e shërbimeve bazë për ta dhe duke mbajtur nivelin më të ulët të taksave dhe tarifave.

?Buxheti i vitit 2019 është 2.7 miliardë lekë dhe krahasuar me 2018 është 11% më i lartë se buxheti i një vitit më parë. Në total shpenzimet kapitale, pra investimet e bashkisë janë rreth 200 milionë lekë më shumë se 2018. Nga ky total rreth 40% i zë program i infrastrukturës rrugore; 14% i zë programi i shërbimeve publike?- u shpreh ai./CNA.al