web counter
LEXO PA REKLAMA!

SHKARKO APP

App Store
Google Play

E fundit!

x

PD publikon dokumentet/ Një tjetër ministër i Ramës përfshihet në skandal

24 Dhjetor 2018, 13:23, Aktualitet CNA

Partia Demokratike vijon të hedhë akuza të forta në drejtim të kryebashkiakut të Tiranës, Erjon Veliaj në lidhje me projektin me investim 60 milion euro, të Edmond Begos.

Në një deklaratë për mediat, nënkryetarja e Komisionit të Ekonomisë, Jorida Tabaku dhe zëdhënësja e PD, Ina Zhupa, kanë zbardhur të tjera detaje në lidhje me projektin në fjalë.

Gjatë fjalës së saj, Tabaku theksoi se ky ndryshim i planit urbanistik është bërë në bashkëpunim të kryeministrit Edi Rama me kryebashkiakun Erion Veliaj si edhe ministrin e Financave Arben Ahmetajn.

Më tej, Ina Zhupa hodhi deklarata të forta edhe në drejtim të Ministrit të Financave dhe Ekonomisë, Arben Ahmetaj.

Sipas saj, afera e projektit 60 milion euro e ka pikënisjen pikërisht tek ministria e Financave.

?Edmond Bego është personi që ka paguar rreth 1.5 milionë euro në llogarinë e Ministrisë së Financave, të ndarë në 4 këste, nga muaji nëntor 2015 deri në mars 2016.

Pagesat janë bërë nga kompania Inerte Ekspres, në pronësi 100 përqind të Edmond Begos.

Faturat bankare që kanë dalë në ekran janë dokumenti zytar që provojnë mashtrimin e Ministrit të Financave, Arben Ahmetaj.”-tha Ina Zhupa.

Më tej, zëdhënësja e PD zbuloi edhe datat kur janë kryera pagesat e këstave.

“4 pagesat për llogari të Ministrisë së Financave mbajnë datat, njëra në 13 nëntor 2015, me vlerë 121 milionë lekë. 3 të tjerat janë paguar brenda të njëjtës ditë, më  11 Mars 2016.

Vetëm pas këtyre pagesave nga Edmond Bego, Ministria e Financave ka lidhur kontratën për privatizimin e rreth 31 mijë metrave katrorë tek ish Serat, pranë Unazës së madhe.?-deklaroi Ina Zhupa.

Gjithashtu ajo theksoi se ?Plani urbanistik u ndryshua me firmën e Ramës dhe Veliajt dhe Bashkia e Tiranës ka miratuar fazen e parë të lejes së ndërtimit.?

Ndër të tjera, Zhupa akuzoi Ramën dhe Veliaj se po e kthejnë Tiranën në lavatrice të pastrimit të parave.

“Me pagesën e 1.5 milionë eurove për Ministrinë e Arben Ahmetajt nga Edmond Bego, të gjithë e dimë si vijoi historia.

?     Plani Urbanistik I Tiranës u ndryshua me firmën e Edi Ramës dhe Erion Veliajt,

?     Projekti për Lumin e Lanës u ndryshua që të mos prekë tokën ku do të ndërtojë trafikanti i drogës

?     Bashkia e Tiranës ka miratuar fazën e parë të miratimit për lejen e ndërtimit.

Projekti rezidencial 60 milionë euro pranë Unazës së Madhe dhe projekti korruptiv 40 milion euro për zgjerimin e Unazës së Madhe janë modeli më i qartë se nën drejtimin e Edi Ramës dhe Erion Veliajt, Tirana është shndërruar në lavatriçen më të madhe në Ballkan për pastrimin e parave të pista.”-u shpreh Ina Zhupa.

https://www.cna.al/2018/12/24/tabaku-zbulon-te-tjera-detaje-fundosen-rama-e-veliaj/





Lajmet e fundit nga