web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e fortë/ Spartak Ngjela zbulon pse BE nuk do hapë negociatat me Shqipërinë

24 Dhjetor 2018, 13:51, Aktualitet CNA

Avokati Spartak Ngjela vijon të hedhë akuza të forta në drejtim të klasës politike.

Në një postim në faqen e tij në rrjetet sociale, Ngjela shkruan se Brukseli, me këtë qeveri nuk do të hapë negociatat me Bashkimin Europian.

?Tani është thuajse e sigurt: Brukseli, duke folur nëpërmjet politikës gjermane dhe të disa politikave të tjera të vendeve të Bashkimit Europian, shprehet se me këtë qeveri nuk mund të hapen negociatat me Bashkimin Europian.
Korrupsioni Berisha nuk u luftua, sepse qeveria Rama pranoi ushqimin e tij, por tani në favor të vet. Domethënë korrupsioni vazhdon.?-shkruan Ngjela.

Më tej, avokati i njohur thekson se politika gjermane nuk ka më besim te kjo qeveri.
?Pse gjithë kjo goditje.?
Korrupsioni është kryesori, pastaj vijnë dhe gjendja e mjerë e paaftësisë politike të qeverisë për moskryerjen e reformave dhe ngadalësimin deri në zero të ristrukturimit demokratik të sistemit politik aktual.
Por ka një gjë që është esenciale: e gjithë kjo gjendje është pasojë direkte e korrupsionit qeveritar.?-thekson Ngjela.

Sipas Ngjelës, Shqipëria është në këtë gjendje sepse një tufë hajdutësh që duan ende të grabisin shqiptarët dhe shtetin e tyre, për të garantuar fitimet e paligjshme, penalizojë me varfëri dhe me humbje shprese të gjithë shoqërinë shqiptare.

?Ky është një turp historike i cili nuk ka shembull në asnjë vend europian.
Dhe pyetja është kjo: tani që shqiptarët do ta marrin vesh arsyen e vërtetë të varfërisë së tyre, ende do ta mbajnë një qeveri abuzuese?

Njëzet vjet korrupsion. Studentët duket se janë e vetmja shpresë. Por, a do të dalin ata masivisht në janar edhe me fotot e kryqëzuara të Ramës Berishës, Metës dhe Bashës?
Mendoj se po. Koha ka ardhur. Studentët dhe SPAK mendohet se do ta çlirojnë Shqipërinë e zënë rob nga korrupsioni. Dhe do ta çlirojnë…?-përfundon postimin e tij avokati Spartak Ngjela.





Lajmet e fundit nga