Kryesia e PS-së/ Kokëdhima zbulon prapaskenat

24 Dhjetor 2018, 14:59, Aktualitet CNA

Kryetari i Partisë Zgjidhja, Koço Kokëdhima, nëpërmjet një postimi në rrjetet sociale ka komentuar mbledhjen e kryesisë së Partinë Socialiste, e cila u mbajt ditën e sotme.

Sipas Kokëdhimës, Rama nuk mund të shpëtojë kokën e tij duke hequr ca ministra, e duke i zëvendësuar me të tjerë, ndërsa ka theksuar se qeveria e tij ka hyrë në fazën e fundit.

?Sot pas mbledhjes së gjatë të kryesisë së Rilindjes, Edi Rama, konfirmoj se më në fund pas shuplakave të studentëve është gati të korrigjojë qeverinë, që deri dje ishte ? më e mira?.
Ashtu siç ndodh gjithmonë me qeveritë autokrate dhe kleptokrate vjen një ditë, kur të gjithë ?armiqtë? e jashtëm të firojnë si alibi e dështimeve dhe veçanërisht për skemës kriminale dhe grabitqare, që ke ngritur në kurriz të popullit që të kishte besuar.
Në këtë fazë të fundit ka hyrë, edhe sekti qeverisës i drejtuar nga Edi Rama. Qytetarët po ngrihen dhe askush nuk beson më, se fajin ja ka Saliu, Luli dhe Monika?,- shkruan Kokëdhima.

Me tej kreu i Zgjidhjes ka thënë se populli e ka kuptuar që kasta jonë politike është kundër tyre.

?Populli më në fund e ka kuptuar se të gjithë këta bashkë janë kundër mirëqenies së familjeve dhe ardhmërisë së fëmijëve të tyre.
Edhe alibia, ?fajin e ka media e kazanit? që shtrembëron sukseset e qeverisë, nuk pi më ujë. Ngrehina kriminale ka rënë, por çështja është që duhet të shpëtojë arkitekti dhe regjisori i saj.
Prandaj ashtu siç bën çdo kleptokrat në ditët e fundit të pushtetit të tij, gjatë përpëlitjes së fundit kërkon shpëtojë vetveten, duke gjetur armiq të brendshëm. Me të vetmen shpresë të kotë; të vërë sërish në gjumë popullin duke prerë ca koka në qeveri e në partinë që nuk ekziston më, me të vetmin synim; të shpëtojë kokën e tij.
Kujton dhe shpreson i shkreti, se duke hequr ca hajdutë të kapur në flagrancë nga çeta e tij dhe duke i zëvendësuar me të tjerë, kryebanditi do të shpëlahet dhe do të ?rilind? edhe njëherë.
Qesharak dhe i mjerë në kurthin që ka ngritur vetë, nga makutëria dhe aleancat me llumin më kriminal të këtij vendi.
Kësaj bande që shkatërroi PS-në dhe Shqipërinë, i ka ngelur vetëm një shans. Të iki e të presë drejtësinë që tu japë verdiktin që meritojnë, ose popullin që vlon nga mllefi dhe zemërimi.
#E ardhmja është ?Zgjidhja?.?- përfundon Kokdhima./CNA.al