Tërheqja e qeverisë nga VKM-ja për provimet e mbartura/ Këshilltari bashkiak zbulon prapaskenat

7 Dhjetor 2018, 10:34, Aktualitet CNA

Këshilltari i djathtë në Bashkinë e Tiranës, Fabian Topollaj i është bashkuar zërave që kanë reaguar në lidhje me protestën e studentëve.

Në një postim në rrjetet sociale, Topollaj, referuar anullimit nga qeveria të VKM-së për tarifat e provimeve të mbartura, thotë se kjo nuk është zgjidhja.

Sipas Topollajt e vetmja zgjidhje është anullimi i ligjit të Arsimit të Lartë, sipas tij antikushtetues.

?Kerkesa e pare e studenteve i takon te jete anullimi ne teresi i ligjit antikushtetues te Arsimit te Larte. Me kete rast studentet i japin nje leksion te merituar te gjithe klases politike ne vend.

Edhe nese plotesohen te gjitha kerkesat e parashtruara deri tani nga studentet, perseri kjo mbetet nje zgjidhje e perkoheshme per shkak se ligji i ri i arsimit te larte ka ndertuar nje skeme qe ne mos sot neser perseri shteti mund te terhiqet nga detyrimi i subvencionimit te arsimit te larte publik dhe universitetet te rrisin perseri tarifat si e vetmja menyre per te ekzistuar.
Ndaj kerkesa qe siguron zbatimin e te drejtes themelore te studenteve zgjidhet vetem me anullimin e ligjit te arsimit te larte dhe hartimin nga e para e nje ligji te ri qe garanton te drejten per arsim sic parashikohet nga neni 57 i Kushtetutes se Republikes se Shqiperise.?-shkruan Topollaj.

Më tej, këshilltari Bashkiak e cilëson protestën si një leksion të mirë për të gjithë klasën politike, përfshirë edhe opozitën.

?Kjo eshte dhe pergjigjia me e mire qe i jepet klases politike ne teresi ne vend. Se pari Qeverise qe miraton ligje me arrogance pa vjele as mendimin e grupeve te interesit qe preken drejtepersedrejti. Por dhe opozites se LSI nga njera ane qe dje votoi ligjin ndersa sot ben avokatin kryesor te studenteve dhe PD nga ana tjeter qe kishte mundesi te vinte ne levizje Gjykaten Kushtetuese per anullimin e ligjit te arsimit te larte si antikushtetues dhe dogji nje mundesi qe Kushtetuta ja ka njohur vetem opozites per te mbrojtur te drejtat e qytetareve ne kete vend. Mundesi qe tani nuk mund te aplikohet edhe nese Lidershipi i PD ka ndryshuar mendie per shkak se sot ka kaluar afati per ankimimin e ligjit te arsimit te larte.
Dhe kjo vetem sa i perket te drejtes themelore per arsim te te rinjve shqiptare, se te rinjve te ketoj vendi ju shkelen dhe shume te drejta te tjera.?-përfundon postimin Fabian Topollaj./CNA.al