web counter
LEXO PA REKLAMA!

SHKARKO APP

App Store
Google Play

E fundit!

x

Ngjarje të rënda shoqërojnë protestën/ Rama merr vendime ekstreme

7 Dhjetor 2018, 08:56, Aktualitet CNA

Këshilltari i djathtë në Bashkinë e Tiranës, Leonard Olli ka reaguar në lidhje me protestën e studentëve, ndërsa hedh akuza të forta në drejtim të kryeministrit Rama.

Në një postim në rrjetet sociale, Olli shkruan se ngjarje të rënda po e shoqërojnë protestën, ndërsa akuzon Ramën se ka urdhëruar policinë të mbledhë informacion për studentët protestues.

?Ngjarje të rënda po pasojnë protestat madhështore të studentëve: Edrama ka urdhëruar policinë e partisë të mbledhë të dhëna dhe informacion për studentët protestues. Nga ana tjetër u ka dhënë urdhër drejtuesve universitarë të zgjedhur me lobim partiak të kërcënojnë nga postet akademike. Edhe pse është një akt barbar, në thelb ndjehem i gëzuar e shpresëplot, se regjimit të antishqiptar të huntës policore po i vjen fundi.?-shkruan Olli.

Më tej, Olli thekson se kur boja e mashtrimit del përfundimisht dhe shfaqen kërcënimet dhe terrori regjimet numërojnë ditët e tyre të fundit.

?Në kuadër të kësaj Edrama po kërkon me ngulm të militarizojë edhe Policinë e Shtetit me ligjin e ri që po përgatit, ministri tënd i preferuar me aq ngut. Nuk ka nevojë ti kujtoj këtij palokryeministri fundin e çdo diktatori apo autokrati, por një apel e kam: Nëse nuk ke më asnjë gram shqiptari e nuk ndalesh dot në rrënimin total që i ke bërë e po i bën Shqipërisë, hiq dorë të paktën nga kërcënimet ndaj studentëve se nuk mund ta imagjinosh se çfarë mund të të ndodhë. Nuk ka agjitprop që mund të të shpëtojë lëkurën!?-përfundon postimin Nardi Olli./ CNA.al





Lajmet e fundit nga