Shqipëria do Revolucion, jo rotacion

7 Dhjetor 2018, 07:45, Aktualitet CNA

Nga Kreshnik Spahiu

* Sot asnjë nga brezat që jetojnë nuk e njeh çka është revolucioni, sepse Shqipëria europiane nuk ka kaluar etapat ashtu si popujt europian, por ka ecur mbi inercinë e ndryshimeve politike globale. Duke mos dashur ti hy aspak debatit se: a kanë luftuar ndonjëherë apo jo shqiptarët për të drejtat civile, por po analizoj disa shkaqe juridike, politike dhe sociale per të bindur çdo kënd që Shqipëria ka vetëm një shpëtim që të ndryshoj dhe ai është Revolucioni, jo të zvarritet nga rotacioni:

1- Vota nuk e ndryshon sistemin politik në Shqipëri se ajo nuk numërohet. Prej 28 vjetësh Shqipëria nuk realizon zgjedhje të lira dhe të ndershme.

2- Sistemi elektoral nuk lejon krijimin e elitave të reja dhe alternativave sepse votat numërohen vetëm nga PS-PD-LSI të cilat vjedhin çdo votë që mund të shkonte për një ?Syriza? apo ?5 yjet? shqiptare.

3- Media është e kontrolluar 100% dhe me vendimin e ri të qeverisë edhe rrjetet sociale gjithashtu, duke mos lejuar kështu promovimin e asnjë figure apo alternative konkuruese jashtë establishmentit politik.

4- Protestat paqësore të studenteve nuk mund të përsërisin situatën e 1990 sepse liderët aktual Berisha, Basha, Rama, Meta janë mijera herë më të pasur se ish-diktatori Ramiz Alia dhe pas shumë protestash, në fund ata sërish do e blenin elektoratin me para.

5- Vetingu ka dështuar dhe sistemi drejtesisë ka humbur në tentativën për burgosjen e 4 peshqve të mëdhenj të kërkuar nga amerikanët. Madje marrveshja e 17 Majit e 2 peshkaqenve Rama-Basha ishte një pakt anti-amerikan kundër Vetingut per të mos burgosur njëri-tjetrin dhe të ruajnë pasuritë e tyre deri në 7 breza.

7- Opozita shqiptare nuk ka moral për revolucion dhe nuk motivon askënd. E dështuar për të mbledhur njerëz ajo i bashkangjitet çdo proteste qytetare për t?iu rrëmbyer kauzën. Kështu bën me Teatrin, me Kalimashin, me Astirin dhe kështu do tentojnë me studentët. Askush nuk vritet që të vi Luli në pushtet.

8- Rikthimi i Berishës apo i Bashës që ka pasur 11 poste të ndryshme nuk është evolucion, por regres dhe kthim 28 vite pas në histori.

9- Kriminalizimi i politikës tashmë nuk pastrohet me vota të panumëruara dhe të manipuluara por me mosbindje popullore.

10- Faktori ndërkombëtar ka dështuar në tentativat për të garantuar zgjedhje të lira dhe për të burgosur liderët miliarder shqiptarë.

11- Në një vend ku vota nuk numurohet dhe drejtësia nuk funsionon, ateëherë regjimet dhe establishmenti nuk thyhen me votë por me forcë popullore.

12- Portestat shqiptare janë anemike, pa ide, pa plan, pa aksion por rrëmbehen nga politikanë të lodhur që pasi mbajnë dy-tre fjalime shpërndahen. Madje edhe jelekët i kopjojnë se nuk kanë ide as për uniforma.

Prej 20 ditësh në Francë nuk u pa asnjë lider politik të fliste rrugëve me fjalime, por rebelimi ishte plot energji dhe ngjyra populiste, inovacion dhe pjesëmarrje masive.

Basha dhe Berisha hyn në panik dhe tmerrohen nëse bëhet një miting ku ata nuk janë të pranishëm. E dinë që mund tu rrëshqasi situata dhe u del jashtë kontrrollit.

13- Qeveria Rama ka arritur kulmin e arrogancës, korrupsionit, kriminalizimit dhe kapjes së shtetit në çdo segment. Madje Rama ka mundur të marrë peng Bashën dhe Berishën duke i joshur ata me garanci politike, pasurore, famijare, diplomatike.

14- Praktikisht në Shqipëri s?ka pluralizëm sepse këta janë bashkë. Ata janë një parti. Bandat e familjeve mafioze shqiptare janë tashmë së bashku për ta mbajtur peng Shqpërinë edhe disa dekada.

15- Ata janë aq të pasur sa do blejnë çdo protestë paqësore. Ata kanë rreshtuar studentet dhe çdo kënd nën teserat e tyre duke i bindur që nuk kanë të ardhme pa tesera politike.

16- Ata kanë lënë jashte sistemit votimit 2 milion emigrantë dhe po liberalizojnë e nxisin largimin e 1 milion te tjerëve në Gjermani, Europë dhe SHBA duke larguar të gjithë kundërshtarët e tyre.

Për këto arsye lufta jonë shqiptare për një Shqipëri tjetër është Revolucioni dhe jo rotacioni. Një kryengritje kundër tre bandave ku populli tu vendosi zjarrin pronave qe ata i kanë vjedhur popullit dhe ata të largohen si Gruevski në azil.

Vetëm pas kësaj, mundet që vota nga Revolucioni të lindi një Shqipëri europiane.

Ne nuk të bëjmë gabimet e vitit ?90 që i vumë zjarrin Enverit prej betoni.

Jo jo, ne duhet ti largojmë ata./ CNA.al