web counter
LEXO PA REKLAMA!

SHKARKO APP

App Store
Google Play

Dështimi i suksesshëm i PS-së me studentët

7 Dhjetor 2018, 10:25, Aktualitet CNA

Studentët prej tre ditësh janë ngritur në një protestë madhështore para ministrisë së Arsimit. Një protestë që bëri të dridhej ministrja e Arsimit, Lindita Nikolla, e cila doli të paktën katër herë në konferencë urgjente për shtyp. Tentoi edhe të takohej me ta, por studentët e refuzuan.

Për më tepër, ka edhe një detaj. Minimalisht një pjesë e mirë e studentëve protestues janë edhe anëtarë të FRESH-it, që kanë dalë jashtë forcës së tyre politike. E në rast se të rinjtë e FRPD-së dhe të LRI-së janë aty si forcë oponente, të rinjtë e FRESH-it janë aty jashtë partisë së tyre, duke kundërshtuar qeverinë dhe ministren e tyre.

Jo se ata nuk dinë apo nuk duan që qeveria e tyre të jetë më e fortë, por sepse e shohin që qeveria është sjellë keq me ta, është sjellë keq me kolegët e tyre, duke i ka dhënë një leksion të mirë Partisë Socialiste, e cila qeveris vendin.

Janë vetë të rinjtë e FRESH-it, të cilët protestojnë kundër ministres së tyre. Kundër një ministre minimalisht të paditur dhe kundër një kryeministri të shumë akuzuar për ligjin dhe reformën e arsimit të lartë, e cila sot pas tre vjetësh dha efektet e një dështimi të sukseshëm./ CNA.al





Lajmet e fundit nga