E fundit!

18:43 Kronika

Aksident në aksin Elbasan-Librazhd/ Automjeti del nga rruga, humb jetën i riu

Një aksident i rëndë është shënuar pasditen e sotme në aks...

Studentët udhëheqës?/ Aktivisti thirrje për përhapjen e protestës

7 Dhjetor 2018, 20:19, Aktualitet CNA

Aktivisti në Partinë Demokratike të Lezhës, Indrit Vokshi në një postim në rrjetet sociale ka reaguar për protestën e studentëve, tashmë prej 4 ditësh para Ministrisë së Arsimit.

Në një postim në rrjetet sociale, Vokshi shkruan se shumë persona janë të emocinuar si rezultat i kësaj proteste, sepse kjo ka qenë dita e shumëpritur.

?Shumë njerëz më kanë shkruar ose thënë se janë emocionuar, madje gati kanë lotuar nga emocioni kur kanë parë kaq të rinj në protestë.

Unë e di se ata nuk janë emocionuar nga idea se do të ulet tarifa. Ata janë emocionuar sepse kanë ndjerë sikur ka ardhur dita e shumpritur. Dita kur populli shqiptar do t’i kthejë përgjigjje sistemit, politikanëve, sunduesve, grabitësve, atyre që marrin paratë e secilit shqiptar dhe ndërtojnë pasuri për vete, vila, makina, deri edhe çanta për dashnoret, pa punuar asnjë ditë. Pa mund. Vetëm me talentin për ta grabitur?,- shkruhet në postimin e tij.

Vokshi shkruan se ata janë emocinuar nga dëshira për hakmarrje dhe për të nxjerrë mllefin që ata kanë akumuluar prej vitesh.

?Ata janë emocionuar dhe ekzaltuar nga dëshira për hakmarrje, dëshira për ta lëshuar klithmën e brendshme që është akimuluar prej vitesh, dëshira për tiu treguar sundimtarëve se jemi këtu, duam pak dinjitet. Smund të na trajtoni si skllevër?.

Më tej aktivisti i PD-së i ka bërë thirrje studentëve që të mos qëëndrojnë vetëm për tarifat, por për të gjithë Shqipërinë, sepse forca e tyre është e madhe.

?Në ketë realitet, me këto pritshmëri, studentët nuk duhet të protestojnë vetëm për vete dhe tarifat e tyre. Duhet të ngrihen më lart; të protestojnë për Shqipërinë. Të protestojnë për ata që punojnë dhe grabiten por edhe për të papunët. Për ata që duan të emigrojnë por edhe për ata që duan të jetojnë këtu.

Studentët duhet ta kuptojnë forcën e tyre, duhet ta kuptojnë se munden t’i japin leksion të gjithë atyre që prej vitesh na japin leksione se si mund të grabisësh e të mos dënohesh. Duhet tiu japin ndëshkim atyre që ndëshkojnë cilindo shqiptar që guxon të dalë përballë, kundër tyre.

Ndaj të kuptohet forca, të kuptohet momenti i artë, të mos kufizohen vetëm me tarifa?,- përfundon Vokshi./ CNA.al