web counter
LEXO PA REKLAMA!

SHKARKO APP

App Store
Google Play

E fundit!

x

Gazetari ‘kryqëzon’ Ramën/ Zgjohu kryeministër se po bien këmbanat

7 Dhjetor 2018, 19:15, Aktualitet CNA

Gazetari Denis Dyrnjaja i ka kërkuar kryeministrit Edi Rama të zgjohet se këmbanat këtë herë po bien, për atë.

Në një postim në rrjetet sociale Dyrnjaja ka shkruar se bashkë me protestën e studentëve, po rritet edhe paranoja e “rrëmbimit” të saj.

?Zgjohu Kryeministër se këmbanat këtë herë bien për ty! Bashkë me protestën po rritet edhe paranoja e “rrëmbimit” të saj. Brenda studentëve janë infiltruar disa rryma. Ata që besojnë se ky sistem ka degraduar dhe duhet ndryshuar, sikurse janë idealistët e majtë. Janë përfshirë segmente të shumta të PD-së e LSI-së, por edhe njerëz pa orientim të qartë politik, ose pa asnjë orientim politik.

Të gjithë i bashkon mënyra e qeverisjes, por me diferenca në qëllim. Ca prej tyre kërkojnë vetëm ndryshimin e kushteve në universitete e shkolla dhe janë në rrugë vetëm për këtë qëllim, ca janë për të ndryshuar sistemin dhe përmbysur establishmentin aktual politik në Shqipëri e për të vendosur një sistem të ri i konceptuar mbi parimet solidaritetit dhe marksizmit, ndërsa ca të tjerë për të marrë pushtetit e degraduar, për të ndryshuar bojën nga mavia aktuale, në një bojë tjetër qoftë edhe dyngjyrëshe dhe të vazhdojnë “telenovelën politike” që iu ndërpreu pasurimin kur u rrëzuan nga pushteti korruptiv që krijuan dhe trashëguan nga vetja, te Rama. Në çdo rast ky i fundit është përgjegjës si për vazhdimin e kësaj status quo-je bajate pushteti, abuzimi dhe arrogance e cila ka neveritur popullin me broçkulla e mashtrime imazhi qeveritar, ashtu dhe për dështimin e demokracisë si koncept, si sistem?, –  ka shkruar gazetari në postimin e tij.

Më tej ai shkruan se ka një mundësi që situata mos dalë jashtë kontrollit. Sipast tij duhet vepruar shpejt dhe me efektivitet në shumë aspekte.

?Fillimisht duhet reaguar për kërkesat imediate të studentëve dhe së dyti duhet ndryshim rrënjësor, i prekshëm dhe i besueshëm në mënyrën e qeverisjes madje edhe në njërëzit që qeverisin, pra duhen ndryshime në qeveri të thella dhe me ndikim vertikal nga lart poshtë. Kryeministri se di se shumë nga ministrat e tij janë bërë shurdhë e memecë në raport me problemet e njerëzve dhe llogaridhënien publike. Në disa ministri, disa drejtorë sillen e rrinë edhe më “rëndë” se vetë ministrat. Duhet shkundur e gjithë qeverisja dhe fort.

Nëse Kryeministri beson realisht ato që thotë publikisht për shifrat dhe perfornancën e qeverisë së tij, vërtetë do të jetë shumë e shpejtë dita kur toka para selisë së kryeministrisë do të tundet aq fort sa do rrëzojë nga kolltuku edhe vetë Ramën, edhe pse është “peshë e rëndë”, – thekson gazetari në psotimin e tij./ CNA.al





Lajmet e fundit nga