web counter
LEXO PA REKLAMA!

SHKARKO APP

App Store
Google Play

E fundit!

x

Bushati e thotë copë/ Dy studente i treguan shqiptarëve, si po i gënjen Rama prej 5 vitesh

7 Dhjetor 2018, 16:50, Aktualitet CNA

Analisti Andi Bushati në një  artikull, të tijin ka reaguar për protestën e studentëve. Bushati është ndalur veçanërisht tek pankarata e dy studenteve, në të cilën shkruhej ?Mbrëmë fjeta tek konviket 3D të inxhinjerisë?.

?Gjetja ishte super seksi (në kuptimin inteligjent të fjalës). Ajo i përgjigjej flakë për flakë një postimi që Edi Rama kishte shpërndarë dje, ku tregohej se si do rikonstruktoheshin në imagjinatën e tij dixhitale konviketet e studentëve.

Në vend të gjendjes së tyre të mjerë, rrjepjes që iu bëhet për të çuar paratë e tyre tek oligarkët, kryeministri i vendit u propozonte një të ardhme virtuale.

Kjo është fabula e qeverisjes së tij: në këmbim të mizerjes të tregon kartolinën; në vend të varfërisë, projektet e gratacielave gjigande; në vend të shtëpisë që të prish, maketin shumngjyrësh të rreth rrotullimit tek shqiponja.

Dhe pikërisht këtu, fabula e studentëve që po protestojnë i ngjan asaj të banorëve të unazës së re. Edhe me ata, e njëjta parodi. Në vend të shtëpive që po u prishnin për të fituar plot 20 milionë euro nga tenderi 40 milionësh për 2.2 km rrugë, u tregonin, ashtu si indianëve pasqyrat, projektin dixhital të unazaës?, – ka shkruar Bushati.

Më tej ai është shprehur se Rama do të shesë një realitet virtual, në vend të një vjedhjeje reale.

?Ajo është gjithmonë e njëjta, si tek sheshi shqiponja, si tek teatri i Bjorke Ingels, si tek projektet e rilindjes urbane, si tek PPP 1 miliard euroshe dhe si tek kjo e fundit: konviket e reja të qytetit studenti?, – ka nënvizuar ai më tej në shkrimin e tij.

Bushati i ka cilësuar dy vajzat, që mbanin pankartën, si dy të reja të të hijshme, të cilat me një slogan të vetëm se e kishin kuptuar këtë butafori që mundohet t?i gënjejë shqiptarët prej 5 vitesh.

?Dhe prandaj ato marshuan sot në rrugë. Jo vetëm dhe thjeshtë se nuk kanë një shtrat komod për të fjetur në konvikt. Jo vetëm dhe thjeshtë se nuk kanë para për një provim të prapambetur. Jo vetëm dhe thjeshtë për të përgjysmuar tarifën e studimit. Zaptimi i rrugëve të Tiranës dhe protesta që ka marrë përmasa të paimagjinuara, por tregon se ata studentë kanë kuptuar shumë më shumë. Se ata janë të ndërgjegjshëm që hajduti 3D po vjedh të ardhmen e tyre. Po vjedh shkollimin e sotëm, punësimin e nesërm, të ardhmen e lirë, një shoqëri me shance të njëjta dhe me mundësi të barabarta?, – vazhdoan ai.

Ndërsa në përfundim të këtij artikulli Bushati ka shkruar ?Nuk ka më dyshim se ata e kanë kuptuar se nga u vjen e keqja. Dhe këtë nuk ka më talent dixhital që ta fshehë.?/ CNA.al





Lajmet e fundit nga