web counter
LEXO PA REKLAMA!

SHKARKO APP

App Store
Google Play

Ngjarja e rëndë në Bulqizë/ Reagon Ministria e Shëndetësisë

7 Dhjetor 2018, 13:49, Aktualitet CNA

Ministria e Shëndetësisë dhe Mbrojtjes Sociale ka reaguar pas ngjarjes së rëndë në Bulqizë, ku një grua e re në muajin e pestë të shtatzanisë, ka humbur trenjakët.

Në një deklaratë për mediat, MSH thekson se për shkak të moshës së vogël të barrës (24 javë është e papajtueshme me jetën), trenjakët nuk kanë mundur të mbijetojnë, ndërsa nëna tashmë është jashtë rrezikut për jetën dhe në këto momente është nën kujdesin e mjekëve.

?Lidhur me ngjarjen e ndodhur në spitalin e Bulqizës, sqarojmë opinionin publik si më poshtë:
Nëna me inicialet E.R. 31 vjeç është paraqitur në spitalin e Bulqizës në orën 12:00 të ditës së sotme.

Nëna e re është asistuar për lindjen e trenjakëve me moshë barre të parakohëshme 24 javëshe.
31-vjeçarja është asistuar për lindjen e fëmijës së parë nga mjeku i përgjithshëm Fatos Hoxha dhe dy mami të maternitetit të Bulqizës.

Për shkak të komplikacioneve, menjëherë është njoftuar ekipi i urgjencës kombëtare mjekësore dhe është nisur nga Tirana një ekip i specializuar nga Materniteti ?Mbretëresha Geraldinë? me helikopterin e Urgjencës Kombëtare.
Brenda 20 minutash, helikopteri me ekipin e specializuar nga Tirana ka mbërritur në spitalin e Bulqizës. Mjekët e specializuar të maternitetit të Tiranës kanë asistuar dy lindjet e tjera dhe kanë shpëtuar nënën e re, e cila rrezikonte jetën.
Për shkak të moshës së vogël të barrës (24 javë është e papajtueshme me jetën), trenjakët nuk kanë mundur të mbijetojnë, ndërsa nëna tashmë është jashtë rrezikut për jetën dhe në këto momente është nën kujdesin e mjekëve?, ka deklaruar Ministria e Shëndetësisë.





Lajmet e fundit nga