E fundit!

08:30 Aktualitet

Deputeti i PD ngre zërin për Mirditën: Një trevë me histori nuk mund të fshihet, mos guxoni ta prekni

Deputeti i PD, Gjin Gjoni, ka reaguar pas publikimit të la...

U japim përgjigje disa pyetjeve të sikletshme mbi jashtëqitjen

30 Nëntor 2018, 15:10, Aktualitet CNA

Duhet ta pranojmë që ekzistojnë pyetje mbi jashtëqitjen tuaj që po vdisni ti bëni, por keni turp. Po ua kursejmë sikletin, më poshtë ju sjellim përgjigjet e disa nga pyetjeve më të zakonshme mbi jashtëqitjen.

Shoh pjesë ushqimi në jashtëqitjen time, a është normale?

Kur shihni ushqim të patretur në jashtëqitje, me shumë mundësi janë fruta ose perime shumë të pasura në fibra. Ushqimi më i zakonshëm që del i patretur është misri, pasi trupi ynë nuk mund ta shpërbëjë celulozën e shtresës së jashtme të tij.

Kur ushqimi del i patretur nuk do të thotë patjetër që keni probleme shëndetësore. Nëse aparati juaj tretës punon siç duhet do t?i duhen rreth 24 -36 orë për të procesuar ushqimin. Nëse jashtëqitja juaj duket si e vajisur ose ju shkakton dhimbje, atherë mund të keni probleme me ndonjë sëmundje autoimune, ose probleme me përthithjen e substancave ushqyese.

Çfarë arome duhet të ketë jashtëqitja?

Aroma e jashtëqitjes është e veçantë tek çdo njeri, por intensiteti i saj mund të tregojë nëse keni apo jo ndonjë problem shëndetësor. Nëse jashtëqitja juaj ka erë shumë të rënë atherë trupi juaj ka probleme me përthithjen e substancave ushqyese. Mund të keni parazitë, sëmundje të pankreasit, ose intolerancë ndaj laktozës.

Gjithashtu edhe disa medikamente mund ta shkaktojnë erën e rëndë të jashtëqitjes. Zakonisht medikamente të tilla janë të mbuluara me një lloj sheqeri të patretshëm.

A është normal gjaku në jashtëqitje

Jo! Nuk është normale, zakonisht është tregues për një problem më të madh se aq. Shpesh mund të mendohet se vjen nga hemorroidet, por në rastet më të këqija është kancer i zorrës së trashë. Gjaku mund të jetë edhe simptomë e sëmundjeve të tjera si përshembull koliti.

A duhet të dal jashtë çdo ditë?

Jo me domosdo. Shumë persona mendojnë se duhet të dalësh jashtë çdo ditë, por nuk është e vërtetë, varet nga secili individ. Mund të ketë individë që dalin jashtë tre herë në ditë, ose të tjerë që dalin tre herë në javë. E rëndësishme është që të keni një frekuencë të rregullt të të dalit jashtë të jashtëqitjes.