web counter
LEXO PA REKLAMA!

SHKARKO APP

App Store
Google Play

Degradon debati live/ Altin Basha “sherr” me Laert Vasilin

30 Nëntor 2018, 12:38, Aktualitet CNA

Mbrëmjen e djeshme të ftuar në studion e emisionit të Artur Zhejit ishin dy regjisorët Altin Basha dhe Laert Vasili, të cilët u përplasën në akuza të forta midis tyre.

Ata kanë debatuar në lidhje me festivalin mbarëkombëtar të teatrit, ku Basha e ka cilësuar një tjetër akt propagande i qeverisë shqiptare, ndërsa Vasili i është kthyer se pse e pranoi çmimin që mori kur e quan propagandë.

Më tej Basha hodhi akuza të forta duke e quajtur Vasilt, duke e cilësuar si zëdhënës të qeverisë.

Pjesë nga debati: 

Vasili: Të shohësh me nihilizëm kryeministrin shqiptar në Kosovë dhe dy duar që bashkohen me një flamur dhe të thuash jo nuk duhet folur për bashkimin e trojeve, më fal?

Basha: Kush e tha këtë?

Vasili: Bashkimi i trojeve duhet të ishte bërë dje jo në 2025-n.

Basha: O ti patriot i madh, kush e tha që Shqipëria dhe Kosova nuk duhet të bashkohen në 2025-n? Ajo që unë thashë ishte kjo, është propagandë pasi jemi dy shtete jo funksionale. Kemi probleme të mëdha ekonomike. Ne nuk njihemi ti thua bashkim kombëtar. E dini shumë mirë çfarë ndodh atje?

Vasili: Unë pashë festivalin mbarëkombëtar të teatrit, unë pashë trupa që erdhën nga Kosova.

Basha: Festivali mbarëkombëtar i teatrit është një tjetër akte propagande i qeverisë shqiptare.

Vasili: Ti more çmim, pse nuk e refuzove?

Basha: E meritova.

Vasili: Këtej thua propagandë, këtej pranon çmimin.

Basha: O ti zëdhënës i qeverisë shqiptare dhe i bashkisë së Tiranës.

Vasili: Qetësohu pak me këto emërtime. Ti je përgjegjës edhe për estetikën që lëshon prej 14 vjetësh ndaj artit shqiptar dhe je përgjegjës për skeçet tek Portokalli. Mos më thuaj zëdhënës i qeverisë dhe bashkisë.

Basha: Ti nuk je zëdhënës i Leart Vasilit për sa kohë më thua mua që po kritikoj qeverinë.

Vasili: Ke ardhur për të nxirë një situatë dhe thua propagandë, propagandë.

Basha: Nëse ty të duket Shqipëria si Gjermania s?kam çfarë të them.





Lajmet e fundit nga