web counter
LEXO PA REKLAMA!

SHKARKO APP

E fundit!

x

U arrestua për shpërdorim detyre/ Zbulohet lidhja e doganierit me deputetin socialist

30 Nëntor 2018, 14:31, Aktualitet CNA

Një doganier i doganës së Kapshticës ka rënë sot në pranga e policisë. Burime zyrtare për CNA.al bëjnë të ditur se i arrestuari është shtetasi Lulzim Kodra, i cili akuzohet për “Shpërdorim detyre” pasi lejoi kalimin e 4 mjeteve me mall të dyshuar kontrabandë, pa ushtruar kontrollin përkatës.

Ndërkohë CNA.al sjell të tjera detaje. Mësohet se shtetasi i mësipërm është kushëri i afërt i deputetit socialist, Ilir Xhangolli.

Ndërkohë, kujtojmë këtu se pak ditë më parë një tjetër denoncim është bërë nga ish-kryeministri Sali Berisha, ndaj deputetit socialist.

Berisha publikoi disa ditë më parë denoncimin e një qytetari, sipas të cilit janë liruar baxhanaku i deputetit socialist Ilir Xhangolli dhe kushëriri i tij i parë, të cilët u arrestuan pak ditë më parë në flagrancë në doganën e Qafë Thanës duke kontrabanduar 2100 goma.

Nga ky operacion policor u arrestuat 9 persona, mes të cilëve dhe 5 doganierë.Denoncuesi theksonte se të vetmit që u liruan ishin të afërmit e deputetit Xhangolli, i cili sipas tij qëndroi dy ditë në Korçë, derisa u liruan personat në fjalë.

Denoncuesi theksonte se ?Baxhanaku me emrin Stefan Hila dhe Kushuriri i parë me mbiemrin Kodra, te dy njerez te deputetit Ilir Xhangolli çuditerisht dolen nga burgu dhe u lane te hetohen ne gjendje te lire?.

Kontrabandë në Kapshticë/ Arrestohet doganieri dhe tre shtetas të tjerë





Lajmet e fundit nga