web counter
LEXO PA REKLAMA!

SHKARKO APP

App Store
Google Play

E fundit!

x

Ndahet opozita/ Kryemadhi nderoi sot Dëshmorët

29 Nëntor 2018, 10:31, Aktualitet CNA

Ashtu siç ka ndodhur prej vitesh me radhë, edhe në këtë përvjetor politika ka festuar e ndarë 29 Nëntorin, ditën e Çlirimit të Shqipërisë nga regjimi nazi-fashist.

Por ajo që ra në sy këtë vit është fakti se opozita pati një ?përçarje?, pasi kreu i PD-së Lulzim Basha vendosi që të përkujtojnë ditën e Çlirimit ditën e djeshme, duke vendosur kurora me lule në memorialin ?Nënë Shqipëri?.

Ndërsa, kryetarja e LSI-së Monika Kryemadhi ka zgjedhur që këtë ditë ta përkujtojë sot, ashtu si maxhoranca.

Por Kryemadhi zgjodhi një tjetër orë nga ajo e krerëve të shtetit, për të marrë pjesë në homazhe. Pasi vendosi kurorë me lule në Varrezat e Dëshmorëve, ajo dha edhe një mesazh të qartë për nderimin dhe kujtimin e të gjithë djemve dhe vajzave që dhanë jetën për lirinë e Atdheut.

?Do doja që në emër të LSI nëpërmjet këtij ceremoniali ku vendosim kurora çdo vit, të respektojmë dhe të nderojmë dëshmorët e LANÇ dhe të gjithë ata djem dhe vajza sakrifikuan jetën e tyre për ta renditur Shqipërinë si një vend fitues kundër luftës nazi-fashizmit. Nderimi për këta djem dhe vajza është më e pakta, pasi i dhanë çdo gjë Atdheut të tyre dhe si morën asgjë. LSI do të nderojë ata pafundësisht, pasi ka pasur me qindra e mijëra djem dhe vajza që i kanë dhënë Shqipërisë dhe si kanë marrë asgjë?- u shpreh Kryemadhi./CNA.al

 





Lajmet e fundit nga