E fundit!

13:59 Politikë

Berisha merr në mbrojtje Shehajn: Tano Caridi, lule para Ballës, shkuarja te vila, akt i turpshëm

Kreu i PD-së Sali Berisha ka marrë në mbrojtje Agron Sheha...

28 Nëntori i Flamurit në Krujë/ Studiuesi i njohur rrëzon historinë?

29 Nëntor 2018, 08:48, Aktualitet CNA

28 Nëntori në Shqipëri, festohet si Dita e Flamurit. Me 28 Nëntor 1912, Ismail Qemali në Vlorë e ngriti Flamurin Kombëtar dhe e shpalli Shqipërinë shtet të Pavarur dhe Sovran.

Kjo ditë u zgjodh sepse me 28 nëntor të vitit 1443 heroi ynë kombëtar Gjergj Kastrioti me forcat e tij çliroi Krujën dhe ngriti flamurin kuq e zi.

Por, studiuesi i njohur, Aurel Plasari në një postim në rrjetet sociale, ngre të tjera dyshime në lidhje me këtë datë.

Në postimin e tij, Plasai shkruan se ?28 nëntori i vitit 1443 na ka ardhur i regjistruar nga Marin Barleti si data kur Gjergj Kastrioti, i kthyer në Arbëri, ngriti në Krujë flamurin e tij, shënjesën me shqiponjën e zezë me dy krerë në sfond të kuq, prandaj edhe quhet tanimë e ngulitur si dita e fillimit të kryengritjes antiturke të tij.?

Më tej, Plasari shkruan se ?Shënimi i kësaj date mund të quhet befasues, posa që Barleti në Historinë e vet jep shumë rrallë data. Jo vetëm datëlindjen e heroit të tij ai nuk e ka dhënë, sepse vetëkuptohet që nuk dihej, por edhe vitin e vdekjes e ka dhënë gabim, më 1466. Sikundër e Noli e pati qortuar: ?heroi i ka vdekur ndër duar dy vjet më herët?.

Gjithashtu, Aurel Plasari thekson se nuk përjashtohet mundësia që për Barletin klerik data 28 nëntor të ketë pasur edhe ndonjë funksion simbolik, që lidhet me historinë e Europës. Në historinë e krishterimit luftarak, më sak atë të kryqëzatave, 28 NËNTORI përfaqëson fillimin e kryqëzatave.

?28 NËNTORI I FLAMURIT NË KRUJË

28 nëntori i vitit 1443 na ka ardhur i regjistruar nga Marin Barleti si data kur Gjergj Kastrioti, i kthyer në Arbëri, ngriti në Krujë flamurin e tij, shënjesën me shqiponjën e zezë me dy krerë në sfond të kuq, prandaj edhe quhet tanimë e ngulitur si dita e fillimit të kryengritjes antiturke të tij.

Datën e kemi vetëm prej Barletit: ?Quarto Klen. [Kalendas] Decembris Anno eiusdem Domini MCCCCXLIII?, shqip: ?e katërta kalendë e dhjetorit 1443? (Barletius, Historia, lib. XIII, CLIX recto-verso), simbas kalendarit julian, që konvertohet në të sotmin me 28 nëntor 1443. Shënimi i kësaj date mund të quhet befasues, posa që Barleti në Historinë e vet jep shumë rrallë data. Jo vetëm datëlindjen e heroit të tij ai nuk e ka dhënë, sepse vetëkuptohet që nuk dihej, por edhe vitin e vdekjes e ka dhënë gabim, më 1466. Sikundër e Noli e pati qortuar: ?heroi i ka vdekur ndër duar dy vjet më herët?.

Nuk përjashtohet mundësia që për Barletin klerik data 28 nëntor të ketë pasur edhe ndonjë funksion simbolik, që lidhet me historinë e Europës. Në historinë e krishterimit luftarak, më sak atë të kryqëzatave, 28 NËNTORI përfaqëson fillimin e kryqëzatave, si ditë kur në Klermon-Ferrand, para mizërisë së të krishterëve të mbledhur aty, pikërisht më 28 nëntor 1095 papa Urban II shpallte ?Kryqëzatën e Parë? për çlirimin e ?Vendeve të Shenjta? dhe veçan të ?Varrit të Krishtit?.:-shkruhet në postimin e Plasarit.