web counter
LEXO PA REKLAMA!

SHKARKO APP

App Store
Google Play

E fundit!

x

I vëllai lirohet nga burgu/ Çfarë do ndodhë me ish-drejtorin e Patentave

7 Nëntor 2018, 12:32, Aktualitet CNA

Më datën 21 tetor, Altin Isaraj, vëllai i Arben Isarajt, ish-drejtorit të patentave, është arrestuar me akuzën trafik të lëndëve narkotike.

Pas publikimit të këtij lajmi, me anë të një shkrese zyrtare, Arben Isaraj, ka dhënë dorëheqjen nga pozicioni i drejtorit të Përgjithshëm në Drejtorinë e Përgjithshme të Transportit Rrugor.

Në letrën drejtuar Ministrit për Energjinë dhe Infrastrukturën, Isaraj, kërkon që të largohet nga detyra e tij për të mos ndikuar në procesin gjyqësor të vëllait.

Arben Isaraj dha dorëheqjen për arsye morale, për shkak se vëllai i tij u arrestua për trafik droge, duke vendosur një standard të tillë, që në fakt nuk e bëri ish-ministri Fatmir Xhafaj, vëllai i të cilit ishte dënuar me 7.2 vite burg në Itali për trafik ndërkombëtar droge.

?Për të mos ndikuar direkt apo indirekt, me pozicionin tim të lartë administrativ, në pavarësinë dhe dhënien e drejtësisë në Shqipëri, jap dorëheqjen nga pozicioni i drejtorit të Përgjithshëm në Drejtorinë e Përgjithshme të Transportit Rrugor.?-thuhej ndër të tjera në letrën zyrtare që Arben Isaraj i drejtonte ministrit Gjiknuri, ku kërkonte dorëheqjen.

Por, çfarë ka ndodhur më pas?

Burime për CNA.al bëjnë të ditur se Altin Isaraj, pra vëllai i Arben Isarajt është liruar nga burgu. Por, askush nuk flet për Arben Isarajn, i cili dha dorëheqjen.

Minimalisht duhet vlerësuar për aktin apo për standartin që vendosi, ndryshe nga Fatmir Xhafaj që vëllain e kishte të dënuar për trafik droge dhe nuk jepte dorëheqjen, por e çoi vëllain në burg, ndërsa ky ju arrestua vëllai dhe dha dorëheqjen pa bërë zhurmë./ CNA.al





Lajmet e fundit nga