web counter
LEXO PA REKLAMA!

SHKARKO APP

App Store
Google Play

Bandat përshëndesin Sandër Lleshin

7 Nëntor 2018, 08:25, Aktualitet CNA

Një atentat mafioz ka tronditur qytetin bregdetar mbrëmjen e djeshme, ku dy persona kanë humbur jetën.

Mësohet se ngjarja e rëndë ka ndodhur pak pas mesanatës së mbrëmshme në lagjen nr 13, të qytetit të Durrësit, ndërsa viktimat janë Edison Harizaj 39 vjeç, i cili njihej si anëtar i bandës së Emiljano Shullazit dhe si një ndër personat më të rrezikshëm të Vlorës si dhe shoku i tij i ngushtë, Genci Caci 33 vjeç.

Edison Harizaj ishte duke udhëtuar nga Tirana drejt Vlorës, kur i është bërë pritë nga dy persona. Ndaj makinës “AUDI”  ku udhëtonte Harizaj bashkë me mikun e tij është qëlluar me breshëri kallashnikovi. Vendi ku autorët ekzekutuan mikun e Shullazit nuk ka ndriçim, ndërsa më pas u larguan në sens të kundërt të autostradës. Autorët pas atentatit kanë shkuar në zonën e Shën Vlashit të Durrësit dhe kanë djegur makinën me të cilën kryen vrasjen, e cila ishte e vjedhur, më pas u larguan me një tjetër makinë për të humbur gjurmët.

Ende nuk dihen detajet e e tjera të ngjarjes, por dyshohet se ka të bëjë me një larje hesapesh mes bandave. Harizaj dyshohet të ishte i përfshirë në një sërë ngjarjesh kriminale.

Por, kjo ngjarje e rëndë përkon edhe me ditën kur drejtimin e ministrisë së Brendshme, e mori Sandër Lleshi. Ky i fundit, pas refuzimit të Metës për ta dekretuar në krye të ministrisë së Brendshme, ditën e djeshme u emërua zyrtarisht zv.ministër i parë i kësaj ministrie dhe u komandua në krye të saj.

Mesa duket bandat i kanë shpallur një sfidë të hapur Sandër Lleshit që në ditën e parë të marrjes së detyrës./ CNA.al





Lajmet e fundit nga