E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“Dosja 339”/ Deputeti kërkon arrestimin e Vangjush Dakos

7 Nëntor 2018, 10:50, Aktualitet CNA

Deputeti i Partisë Demokratike, Gent Strazimiri në një deklaratë për mediat nga selia blu është shprehur se kryetari i Bashkisë së Durrësit, Vangjush Dako duhet arrestuar sa më parë.

Strazimiri ka thënë se një ditë liri për Dakon, është një ditë e lirë për bandat që ato të mund të shkatërrojnë provat.

Deputeti demokrat ka shprehur bindjen në zbardhjen e dosjes 339, ku Dako dyshohet të këtë bërë shitblerje vote në zgjedhjet e 2017. Kjo dosje sipas tij do të çojë kryebashkiakun e Durrësit në arrest me burg.

?Harresë për dosjen 339 nuk do të ketë. Lira për Vangjush Dakon do të thotë se drejtësia është e kapur nga krimi.

Dosja 339 nuk do të rrijë pezull, që shqiptarët të mësohen me harresën e radhës, por do të zbardhet. Zbardhja deri në fund e aferave është e panegociueshme. Çdo ditë liri për Dakon do të thotë më shumë liri për bandat dhe shkatërrimin e provave?,- u shpreh deputeti demokrat.

Deklarata e plotë:

Dosja ?339?, nuk do të jetë ?çudia që zgjat vetëm 3 ditë?!

Dosja ?339? është radiografia e pushtetit të lidhur me krimin, pushtetit në shërbim të krimit pushtetit që këmben favore me krimin, në nevojën e përbashkët për të mbijetuar në kurriz të ligjit dhe interesit publik.

Në përgjimet e dosjes 339 është faktuar simbioza e pushtetit me krimin, përmes komunikimit sistematik me bandat të Vangjush Dakos, udhëheqësit politik të fushatës në Durrës, para, gjatë dhe pas zgjedhjeve, respektivisht për të siguruar përkrahjen e ndërsjelltë, përmes favoreve të ndërsjellta duke shprehur në fund edhe mirënjohjen e ndërsjelltë për ?zgjidhjen e halleve? të ndërsjellta.

?Harresë? për dosjen 339 nuk do të ketë dhe arrestimi i Vangjush Dakos është prova nëse në Shqipëri do të ketë apo jo drejtësi, do të ketë apo jo luftë kundër krimit, do të ketë apo jo normalitet ligjor e elektoral dhe për pasojë qeveri legjitime, si në çdo shtet normal.

Legjitimiteti i qeverisjes në Shqipëri është po aq solid, sa ç?është paprekshmëria e bandave dhe banditëve si Vangjush Dako.

Legjitimiteti i qeverisjes dhe përkrahja me votë e saj në popull, është aq e vërtetë sa ç është fakti se populli detyrohet të votojë në përputhje me interesin dhe influencën e bandave, të cilat nga ana e tyre kanë interes që në pushtet të jetë qeveria që:

– i lajmëron të largohen përpara arrestimit,

– që edhe nëse aksidentalisht janë arrestuar,

– që lëshon karakteristikë ?rehabilitimi? për t?i nxjerrë nga burgu,

– që mbyll njërin sy, ose të dy, kur bandat ndërtojnë pa leje, zaptojnë pa ligj, kërcënojnë hapur e bëjnë karshillëk në port, në doganë, tek tatimet, në polici e madje edhe në prokurori.

Dosja 339 nuk do të mbyllet e as do të rrijë pezull, si një çudi e radhës, me të cilën shqiptarët do të mësohen. Jo!

Zbardhja deri në fund e aferave kriminale e politike të provuara në dosjen 339 është e panegociueshme, dhe arrestimi i Vangjush Dakos si ndërlidhësi dhe ?hallezgjidhësi? i bandave në këmbim të votës është hapi i parë i domosdoshëm dhe urgjent në këtë drejtim.

Çdo ditë në liri për Vangjush Dakon, do të thotë një ditë më shumë skllavëri edhe më e rëndë për shoqërinë, do të thotë paprekshmëri për bandat, do të thotë shkatërrim provash, do të thotë presion e influenca kriminale që shtohen e forcohen për t;i siguruar pandëshkueshmëri Vangjush Dakos dhe bandave.

Çdo ditë bllokim i Dosjes 339 është një provë e delegjitimimit të mëtejshëm të një prokurorie nën thundrën e një qeverie ilegjitime, që sot është në pushtet vetëm për shkak të gjushëve, anëtarë të bandave të trafikut ndërkombëtar./ CNA.al