web counter
LEXO PA REKLAMA!

SHKARKO APP

App Store
Google Play

E fundit!

x

Rrëfimi tronditës i kunatit të Kaçifas/ Çfarë ndodhi në Bularat

31 Tetor 2018, 11:46, Aktualitet CNA

Katër ditë pas vrasjes së 35-vjeçarit në Bularat të Gjirokastrës, kunati i Kostandinos Kaçifas pretendon një tjetër version për ngjarjen. Në një intervistë për mediat greke Vangelis Sakelarakis tha se 35-vjeçari ishte qëlluar në këmbë teksa ishte me krahë hapur (duke nënkuptuar se ishte dorëzuar).

Sakelarakis theksoi gjithashtu se i riu kishte mundësi për të ikur në Greqi nga mali, por vendosi të kthehet në fshat dhe do të dorëzohet. ?Konstandini u qëllua në këmbë me duart hapur?, -tha kunati i 35-vjeçarit, duke iu referuar deklaratave të mjekut ligjor nga Janina Theodore Vujuklaki që dje pa trupin e të ndjerit në spitalin e Gjirokastrës.-raporton BW.

Sipas kunatit, Katsifas kishte mundësi për të ikur në Greqi nga mali ku ai ishte, por vendosi të kthehej në fshat, pasi do të dorëzohej. Ai shton se; ?kohën që ai ngriti duart lart policët shqiptarë e qëlluan atë nga një distancë prej 15-20 metra?. Sakelarakis argumentoi gjithashtu se Katsifas nuk vrau askënd, ndërsa shtoi se është e paqartë se kujt ia drejtonte armën.

Ai më tej ka thënë se Kostandinos Kacifas ishte në shënjestër nga shqiptarët pasi konsiderohej si nxitës i minoritetit ndërsa donte të ndërtonte një kishë. Sipas Sakelarakis, policët shqiptarë terrorizuan për pesë orë prindërit e 35-vjeçarit dhe në fund grabitën nga shtëpia dhe dy thasë arra dhe shegë që ishin mbledhur Konstantinos.





Lajmet e fundit nga