web counter
LEXO PA REKLAMA!

SHKARKO APP

App Store
Google Play

Patozi flet hapur/ Zbulon se kush po e vuan paktin e pisët Rama-Basha

31 Tetor 2018, 15:48, Aktualitet CNA

Astrit Patozi ka folur  për paktin e 17 majit mes  kryeministrit Edi Rama dhe kreut aktual të PD-së, Lulzim Bashës.

Ai ka thënë se Rama dhe Basha nuk kanë bërë një marrëveshje të përjetshme më 17 maj.

?Unë nuk jam aq naiv sa të mendoj se Edi Rama dhe Lulzim Basha kanë bërë një marrëveshje të përjetshme më 17 maj. Në politikë nuk ka të tilla. Atëherë ata kishin përpara një hall të momentit dhe e zgjidhën, secili në mënyrën e vet. Njëri fitoi thellë zgjedhjet dhe mori i vetëm timonin, ndërsa tjetri u kënaq me ca thërrime pushteti dhe me faktin që pastroi partinë e vet kur bëri listën. Unë e besoj që Basha sot është i mërzitur dhe e ka sinqerisht kur thotë se do ta rrëzojë Edi Ramën që t?i zërë vendin, sepse ajo që fiton në opozitë është shumë më e vogël se ajo që do të fitonte po të ishte në pushtet. Aritmetikë e thjeshtë është?, – ka thënë ai në një intrevistë për gazetën Panorama.

Më tej, Patozi ka nënvizuar se Lulzim Basha dhe Edi Rama nuk kanë nevojë që të nënshkruajnë apo t?i betohen njëri-tjetrit për ta ruajtur të paprekur këtë sistem të kalbur dhe të korruptuar, që prodhon përbindësha politikë.

? Ata merren vesh për bukuri në distancë për këtë pikë, edhe sikur mos të takohen apo të flasin më kurrë në telefon bashkë. Dhe pikërisht kjo është sipas meje marrëveshja reale midis tyre, e pashkruar, që ka nisur më 17 maj e nuk dihet sa do të zgjasë. U bënë shumë vjet që PD-ja e Lulzim Bashës bën gjithçka që t?i ikë temës së reformës zgjedhore dhe jam i sigurt që e radikalizon qëllimisht situatën politike, që sistemi të mos preket dhe ndryshimet e nevojshme të mos bëhen. I njëjti teatër po luhet edhe tani, kur të gjithë i largohen atij argumenti dhe dëgjohet vetëm ndonjë zë i mekur që vjen nga aleatët e vegjël të PD-së, i cili bëhet përherë e më i zbehtë.Por e them me siguri, që sa më shumë të ruhet ky pakt i pistë, aq më shumë kosto do të ketë, jo vetëm Partia Demokratike, por e gjithë shoqëria shqiptare? ? ka nënvizuar ai më tej./ CNA.al

 





Lajmet e fundit nga