E fundit!

11:31 Aktualitet

Tri dekada në polici/ Kush është drejtori i ri që pritet të marrë komandën për Tiranën

Adriatik Tafçiu, i renditur i pari në procesin e vlerësimi...

Mbledhja e Qeverisë në Kukës/ Rama prezanton projektet, vë theksin tek aeroporti

31 Tetor 2018, 15:21, Aktualitet CNA

Kryeministri Edi Rama gjatë mbledhjes së qeverisë në Kukës, bëri publike projektet për këtë qytet. Gjatë fjalës së tij, Rama e vuri theksin tek ndërtimi i aeroportit, puna për ndërtimin e të cilit parashikohet të fillojë nga janari i vitit të ardhshëm.

Rama u shpreh ndër të tjera, se parashikohet që aeroporti të ketë një fluks prej 300 mijë pasagjerësh në vit, ndërsa shtoi se ekspertiza e huaj ka dhënë shifra inkurajuese.

Më tej shefi i qeverisë u ndal edhe tek pika e përbashkët doganore me Kosovën dhe linja e gazësjellësit Transadriatik, e cila do të furnizojë shtetin fqinj.

Rama përmendi gjithashtu dhe investimin prej 15 milion dollarësh për zonën minerare të Llanës, e cila sipas tij do hapë qindra vende pune, me paga që fillojnë nga 700 deri në 1200 euro.

“Kemi avancuar me procedurën për aeroportin e Kukësit dhe deri në javën e dytë të dhjetorit do të mbyllet procedura dhe më pas një nevojitet një periudhë e shkurtër për përcaktimin e kontratës dhe ambicia është që brenda muajit janar të vitit që vjen, maksimumi në shkurt do të nisë punë për kantierin e ri të Aeroportit në Kukës.Bëhet fjalë për një aeroport të ri me një terminal të ri , me një pistë që do të jetë qindra metra e gjatë dhe parashikohet për të gjitha kategoritë e avonëve që përmban projekti. Jemi të inkurajuar nga studimet e bëra me ekspertët e fushës. Ekspertiza e huaj na ka dhënë shifra inkurajuese. Parashikohet një nivel mesatar prej 300 mijë pasagjerësh në vit dhe ndër vite do të ketë një rritje inkurajuese. Përpara mbledjes, vizituam opikën e përbashkët doganore me Kosovën, me ambasadorin, i cili tha se hapja e aeroportit do të ketë rëndësi të madhe për zhvillimin e turizmit dhe atë të Brezovicës. Një projekt për ardhmërinë zonës, lidhet me linjën e gazsjellësit transadriatik që do të furnizojë Kosovën. Me përfundimin e linjave tëointerkonjeksionit ka një tjetër arsye për të qenë le të themi të inkurajuar. Kemi përfunduar procedurat për zonën minerare të Llanës që është zona e dytë më e madhe minerare në vend dhe parashikojmë një investim prej 15 milion dollarësh me një gjenerim të qindra vendeve të punës me paga të larta për standartet tona, që fillojn nga 700 deri në 1200 dollarë”, tha Rama. /CNA.al