Çuni i Fahriut paralajmëron Ramën/ Do marrësh përgjigjen që meriton

31 Tetor 2018, 13:30, Aktualitet CNA

Çuni i Fahri Balliut, deputeti demokrat, Klevis Balliu ka hedhur akuza të forta sot në drejtim të kryeministrit Rama.

Në një postim në rrjetet sociale, Balliu shkruan se qeveria ?Rama? e ka lënë jetim Pogradecin. Sipas tij ky qytet ka potenciale të mëdha zhvillimi, por është braktisur nga qeveria.

?Pogradeci duhet të ishte një nga qytetet më të pasura të vendit, ku ekonomia duhet të lulëzonte, por kjo nuk ndodh.
Fatkeqësisht sot populli i Pogradecit jeton në varfëri. Më shumë se 10% e qytetarëve në Pogradec jetojnë me ndihmë ekonomike e po ashtu më shumë se gjysma e qytetarëve janë të papunë.?-shkruan Balliu.

Ndërsa më tej, deputeti Balliu paralajmëron se humë shpejt kjo qeveri do të marrë përgjigjen që i takon.

?Do të vijë koha juaj, koha e qytetarëve, ku do të jeni pikërisht ju ata që do të drejtoni, ku qytetarët marrin atë çka i takon dhe ku qytetarët vendosin.?-shkruan ndër të tjera Klevis Balliu.

Postimi i plotë:

QEVERIA E KA LËNË JETIM POGRADECIN.

Të dashur miq, siç dhe ju e dini fare mirë, Pogradeci është një qytet me dy dogana dhe me potenciale të jashtëzakonshme turistike për shkak të Gjolit por jo vetëm.
Në Pogradec ka mundësi të pafundme për turizëm agrar.
Gjithashtu Mokra është e mbushur me monumente kulture si Varret e Selcës apo Ura e Golikut.
Thënë kjo është e lehtë të mendosh se Pogradeci duhet të ishte një nga qytetet më të pasura të vendit, ku ekonomia duhet të lulëzonte, por kjo nuk ndodh.
Fatkeqësisht sot populli i Pogradecit jeton në varfëri. Më shumë se 10% e qytetarëve në Pogradec jetojnë me ndihmë ekonomike e po ashtu më shumë se gjysma e qytetarëve janë të papunë.
Kjo ndodh për shkak të politikave të këqija të kësaj mazhorance. Ndodh sepse qeveria nuk i shërben qytetarëve por bandave. Janë BANDAT që i dhanë atyre paratë për të blerë votat, për të blerë zgjedhjet.
Sot qeveria zonën malore të Mokrës e ka shpallur zonë fushore, duke detyruar mokrarët të paguajnë taksat njësoj si në Lushnje. Sot qeveria i ka hequr Universitetin Pogradecit, sot qeveria u ka rritur çmimin e naftës fermerëve, sot qeveria e ka lënë Pogradecin vetëm.
Por ju garantoj që shumë shpejt kjo qeveri do të marrë përgjigjen që i takon.
Do të vijë koha juaj, koha e qytetarëve, ku do të jeni pikërisht ju ata që do të drejtoni, ku qytetarët marrin atë çka i takon dhe ku qytetarët vendosin./ CNA.al