web counter
LEXO PA REKLAMA!

SHKARKO APP

App Store
Google Play

Patozi thumbon Bashën/ I mungon autoriteti brenda partisë

31 Tetor 2018, 16:00, Aktualitet CNA

Ish-nënkryetari i Partisë Demokratike, Astrit Patozi, në një intervistë për gazetën ?Panorama?, ka përshëndetur veprimet e opozitës, të cilat sipas tij ishin një nga faktorët e largimit të ministrit të Brendshëm, Fatmir Xhafaj.

Patozi nuk ka lënë pa thumbur gjithashtu edhe kreun e opozitës, Lulzim Bashën, i cili sipas tij është një person pa autoritet brenda partisë.

Ndër të tjera ai ka shtuar, se gara e çuditshme e eksponentëve të PD për dorëheqjen e Xhafajt, e bëri shumë qesharak reagimin e saj.

“Arsyeja mund të ishte edhe komplementare, pra një rezultante e të dyjave, pavarësisht se momenti i dorëheqjes ishte aq i papritur, sa nuk të jepte shumë mundësi ta shisje si fitore. Ndërkohë, askush nuk mund ta mohojë se sulmet e pareshtura të opozitës kishin lënë gjurmët e veta mbi zhguallin sado të fortë e të regjur në beteja politike të Fatmir Xhafajt. Dhe pa diskutim që, më shumë se atij vetë, ia kishin vështirësuar jetën dhe ia kishin prishur ritmin gjithë qeverisë.Por çudia ishte se opozita reagoi në mënyrën më joserioze ndaj kësaj ngjarjeje me valencë të fortë politike.Një numër i madh eksponentësh të Partisë Demokratike u futën në një garë të çuditshme interpretimesh për dorëheqjen e Xhafajt, gjë që e bëri qesharak qëndrimin zyrtar të saj. Dhe e gjitha ndodhi pasi Lulzim Basha kishte dalë shumë shpejt me deklaratë, ndryshe nga ç?ndodh zakonisht kur ose mendohet gjatë, ose nuk flet fare. Dhe normale do të ishte që të tjerët pas tij ose duhet të heshtnin, ose të përpiqeshin ta ndiqnin në një farë mënyre kryetarin, duke e shpjeguar me fjalë të ndryshme të njëjtën gjë. Dhe më e pakta që mund të thuhet në këtë rast është se, jo vetëm nuk ekziston autoriteti i kryetarit, por as respekti më minimal ndaj tij, që të mos flasim fare pastaj për ca rregulla të pashkruara që çdo forcë politike serioze nuk ia lejon vetes të mos i zbatojë”, tha Patozi. /CNA.al





Lajmet e fundit nga