E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Skandal me Vettingun/ Shkarkimet vendosen në selinë socialiste?

5 Shtator 2018, 09:57, Aktualitet CNA

Komisioni i Vettingut, është vënë në dyshime për korrupsion dhe standarte të dyfishta.

Akuza të forta janë hedhur mbi punën e komisionit nga prokurorë dhe gjyqtarë që janë ?djegur? tashmë. Llogjikisht, këto akuza ishin të pritshme, por ajo çfarë e rëndon pozicionin e Komisionerëve të Vettingut janë ankimimet e ONM dhe të Komisionierit Publik.

Një sërë vendimesh, janë ankimuar dhe tashmë presin të shqyrtohen në Kolegjin e Posaçëm të Apelimit.

Por, ndërsa gjyqtarët dhe prokurorët, presin drejtësi nga Kolegji i Posaçëm i Apelimit, tre organet e Vettingut, duket se janë të kapura nga Qeveria.

Komisioni i Pavarur i Kualifikimit, Kolegji i Posaçëm i Apelimit si dhe Komisioneri Publik, kanë në përbërje të tyrë anëtarë që janë të lidhur me Qeverinë me Ministrin e Brendshëm Fatmir Xhafaj dhe me kryebashkiakun e Tiranës Erion Veliaj.

Komisionet e Vettingut nën kupolën e PS

Fillojmë nga Kolegji i Posaçëm i Apelimit.

Anëtarja e Kolegjit të Apelimit Albana Shtylla, ka qenë ish-anëtare e KQZ e emëruar nga Partia Socialiste. Nga18 Tetori 2012 ? Tetor 2013, Shtylla ka mbajtur pozicionin e anëtares së Komisionit Qendror të Zgjedhjeve.

Në vitin 2014 Albana Shtylla ishte një nga kandidatet e Partisë Socialiste për të zëvendësuar dy anëtarët e shkarkuar nga Këshilli i Lartë i Drejtësisë, Elvis Çefën, njëherësh nënkryetar i këtij institucioni dhe Lulzim Lelçjan.

Anëtari i Kolegjit të Posaçëm të Apelimit, Sokol Çomo ka mbajtur postin e ish- Zëvendësministrit të Drejtësisë gjatë qeverisjes së PS. Ai është i zgjedhur nga PS dy herë anëtar i KLD.

Anëtarja e Komisionit të Pavarur të Kualifikimit, Alma Vokopola (Faskaj) ka qenë këshilltare e Komisionit të Ligjeve pas vitit 2013, e punësuar me direktivat të Fatmir Xhafajt.

Anëtari i Komisionit të Pavatur të Kualifikimit, Olsi Komiçi, është emëruar nga kryeministri Edi Rama në Korrik të vitit 2014, si ekspert i jashtëm në grupin e punës të Task-Forcë, për verifikimin e ligjshmërisë dhe mënyrës së tjetërsimit të pronave të paluajtshme shtetërore, përmes kalimit në pronësi private dhe në përdorim të tretëve të pasurive, tokë truall, tokë bujqësore, pyje, livadhe, kullota, territor shtetëror, objekte si dhe të llojeve të tjera të pronave të paluajtshme të shtetit.

Kështu, për dy vjet, z. Komiçi ka punuar në Kryeministri si ekspert ligjor, anëtar i Task-Forcës ?Për verifikimin e ligjshmërisë dhe mënyrën e tjetërsimit të pronës së paluajtshme shtetërore në zonën Vlorë-Sarandë?.

Anëtarja e Komisionit të Pavarur të Kualifikimit Valbona Snaxhaktari, ka punuar në ?Qeverinë Rama?. Nga viti 2014 deri në vitin 2017 ka punuar si juriste në Njësinë e Legjislacionit dhe Akteve të Këshillit të Ministrave, në Kryeministri.

Anëtari i Komisionit të Pavarur të Kualifikimit, Roland Ilia, ka qenë kandidat për deputet në koalicionin e majtë në vitin 2009, nën siglën e G99.

Nga listat zgjedhore, të publikuara në Komisionin Qëndror të Zgjedhjeve rezulton se Roland Ilia kërkoi votat e shkodranëve në vitin 2009 kundër qeverisë së Sali Berishës, për partinë e drejtuar nga Erion Veliaj.

Komisioneri Publik Florjan Ballhysa ka qenë ish- këshilltar i Fatmir Xhafajt kur ka qenë Ministër i Drejtësisë. Në 2013 ai u emërua nga Xhafaj Këshilltar i Komisionit të Ligjeve./CNA.a