E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Rama kujton Nënë Terezën/ Qytetarët e vënë me “shpatulla pas muri”

5 Shtator 2018, 08:15, Aktualitet CNA

Kryeministri Edi Rama e ka nisur ditën sot me një fjalë të mençur të shenjtores Nënë Tereza, për të cilën thotë se e ka ndihmuar në të përpjetat e tatëpjetat e rrugës së tij.

?Më mirë të ndezësh një qiri, sesa të mallkosh errësirën?, është zgjedhja e kryeministrit nga qindra këshilla të shenjtores shqiptare.

Në një postim në faqen e tij në rrjetet sociale, Rama ka publikuar në vijimësi historinë e familjes së varfër nga Durrësi, e cila tashmë është larguar nga banesa e rrënuar dhe është vendosur në një shtëpi provizore deri në ndërtimin e shtëpisë së vjetër.

?MIRËMËNGJES dhe në këtë ditë të bekuar të Nënë Terezës, e para fjalë që kujtoj prej saj është fjala që më ndihmon shpesh, në të përpjetat e të tatëpjetat e rrugës sime, “Më mirë të ndezësh një qiri, sesa të mallkosh errësirën”. Ditë të paqme?-shkruan Rama në postimin e tij.

Por, pas këtij postimi të kreut të qeverisë, qytetarët kanë shpërthyer në kritika.

Një qytetar shkruan se shqiptarët nuk kanë nevojë për lëmoshë, por për punë. ?Zoti Edi duheshe te kuptoshe qe njerzit kane nevoje per dinjitet.Dhe jo per lemoshe sa do per momenti eshte e nevojshme pore se kuptoje qe nji vende si shqiperia qe mirqenja e popullit eshte-0 dha ska pune. Puna krijoget per te rritur mireqenjen pore puna krijohet edhe ne baze te ligjeve dhe ne baze edhe te huadhenjes bankare mundohu ti krijoshe kto zoti Edi dhe besoje se shqipetaret do te lojne te rrishe ne kale?.

Ndërsa një tjetër shkruan se ?Kjo familje është një nga qindra e mijëra të tjera!
Sigurisht që varfëria është një ndër sfidat më të mëdha të çdo vendi,por është për të ardhur keq që rritet çdo ditë e më shumë për shkak të politikave qeverisëse! Për mendimin tim këta njerëz janë të tradhtuar nga shteti. Dhe për këtë mjafton të shohësh shifrat e ndihmës ekonomike.?.

Po ashtu një tjetër komentues shkruan se ?Fjalet i ke brilante por veprimet jo dhe aq te duhura zoti kryeminister.?.

Ndërsa një tjetër shprehet se ? Nga pamja e jashtme te merr nqaf o kryeminister. Por mos shihni lulet e kumbullave qe celin ne dimer .. por shih pranveren ….?.