Mesazhi mafioz i Denar Bibës, për Lulzim Bashën

5 Shtator 2018, 13:31, Aktualitet CNA

Ish-kreu i KQZ-së, Denar Biba në një postim në rrjetet sociale, sot i ka çuar një mesazh të fortë kreut të Partisë Demokratike, zotit Lulzim Basha.

Në mesazhin e tij ai thotë ?Z.Basha, përpara se të shprehej për takimin tim me z.Bianku, do të bënte mirë të kishte sjelle ndër mend orët e gjata të kaluara vetëm për vetëm me z.Rama në mesnatën e 17-18 majit 2017, si edhe etiketimet e gjithëfare llojshme që i mveshën kësaj bisede keqdashësit e tij politike.?

Por, çfarë është ky mesazh i shkruar nga Denar Biba, që vjen pas audio-skandalit në lidhje me vendimet që Gjykata e Strasburgut, duhet të japë për ish-pronarët shqiptarë.

Një skandal që në fakt, ashtu si dhe shumë të tjera, u la në heshtje nga Lulzim Basha, thuajse u harrua.

Por çfarë është 17 maji?

17 maji është marrëveshja e Edi Ramës me Lulzim Bashën dhe pas 17 majit, në Gjykatën e Strasburgut si me çelës të artë,”tak-fak”, shpejt e shpejt u dha një vendim për gjyqin që kishin vjehrri i Lulzim Bashës dhe disa pronarë, përfshirë këtu edhe Avokaten e Popullit në këtë Gjykatë, për një ndërtim në Vlorë, të shembur nga qeveria.

E ndërkohë që pronarë e ish-pronarë, prej dhjetëra vitesh dergjen dyerve të gjykatave dhe presin me dekada ndoshta që të marrin një vendim nga Strasburgu, Lulzim Basha e mori ?tak-fak? vendimin e tij, menjëherë pasi u takua me Edi Ramën.

A mos vallë mesazhi i koduar i Denar Bibës për 17 majin, është një mesazh mafioz që i tregon Lulzim Bashës se marrëveshja e tij me Edi Ramën zhbllokoi dhe milionat e eurove që do të merrte vjehrri dhe familja e tij në gjyqin që kishin në Strasburg?

Por, Lulzim Basha ende nuk ka folur, nuk ka dhënë asnjë detaj. Edhe denoncimet ndaj Denar Bibës i la. Gjithçka po kalohet në heshtje. Një skandal që po kalon në kode mafioze, duke i kujtuar kreut të PD-së, marrëveshjen me Edi Ramën, e cila çoi PD-në në zgjedhje, e nxori nga çadra, dhe në fakt në fund Basha thjeshtë siguroi disa miliona për familjen e tij dhe siguroi karrigen e kryetarit të PD-së, për ti shërbyer Edi Ramës, ndërkohë që njerëzit e tij i çojnë mesazhe mafioze nga rrjetet sociale.

Tashmë Lulzim Basha duhet të sqarojë të fshehtat e 17 majit, kodet dhe a ka pasur një marrëveshje mafioze ai me Edi Ramën./ CNA.al

Shantazhi ndaj gjyqtarit në Strasburg/ Denar Biba i kujton Bashës marrëveshjen e 18 majit