web counter
LEXO PA REKLAMA!

SHKARKO APP

App Store
Google Play

Pas katër javësh “armëpushim”/ Ja kur rikthehen ligjvënësit në parlament

1 Shtator 2018, 13:19, Aktualitet CNA

Pas katër javësh ?armëpushim?, ditën e hënë Kuvendi i Shqipërisë mblidhet në një seancë plenare, ku priten debate dhe përplasje të forta.

Dy janë nismat të cilat do të kushtëzojnë qwndrimet e palëve. Deputetët do të duhet të diskutojnë mbi dekretin e Presidentiti të Republikës Ilir Meta, i cili ktheu për rishqyrtim në Kuvend të ligjit për ndërtimin e Teatrit të ri Kombëtar, ligj që u kundërshtua me forcë nga opozita, por që u miratua me vetëm votat e mazhorancës.

Ndërsa një nismë tjetër që pritet të shkaktojë debate dhe që do të hidhet për votim në seancë është ligji për magjistratët e rinj, që synon plotësimin e vendeve vakante në sistemin e drejtësisë nga të shkarkuarit për shkak të vetingut.

Projektligji kërkon votën e të paktën 84 deputetëve, numër të cilin mazhoranca nuk e zotëron. Përgjatë javëve të fundit të korrikut, para mbylljes së sesionit të kaluar socialistët u orvatën të merrnin mbeshtetje të paktën nga ish-aleatët e LSI-së, por s?ia dolën dot të gjenin emëruesin e përbashkët me ta.





Lajmet e fundit nga