E fundit!

13:44 Aktualitet

“Në emër të protestës”/ Tallje me flamurin shqiptar, anarkistët e zëvendësojnë me flamingon

Një grup me pikëpamje neomarksiste dhe anarkiste ka shkuar...

PD publikon provat për betonizimin e Tiranës/ Veliaj, pastron paratë e krimit

1 Shtator 2018, 10:52, Aktualitet CNA

Në një dalje për mediat, zëdhënësja e Partisë Demokratike, Ina Zhupa ka zbuluar të tjera detaje në lidhje me vendimin e Bashkisë së Tiranës për të betonizuar edhe zonën e liqenit.

Sipas Zhupës, ?Erion Veliaj nuk e mohon dot që projekti ?TR 169? është emërtuar zona e liqenit, zonë e cila ka radhën për tu betonizuar dhe që përfshin oborrin e gardës dhe gjelbërimin e liqenit?.

Ajo theksoi ndër të tjera se projekti në fjalë përfshin ndërtesa të larta, 9-kateshë, që përfshin shërbime dhe zyra.

?Erion Veliaj dhe fjalën që nuk do kishte leje ndertimi, por ka dhënë mbi 2 mijë leje ndërtimi. Në vitet e Erion Veliaj Tirana ka shënuar rekord betonizimi. Plani i betonzimit të liqenit është emërtuar në detaje dhe është gati për tu vënë në zbatim?.

Po ashtu, ajo theksoi se qëllimi i Veliajt është pastrami i parave të krimit dhe vjedhja e tokës publike.

Deklarata e plotë:

Para disa ditësh provuam para jush me fakte, me dokumenta shtetërore, se si është përgatitur nga Rama dhe Veliaj betonizimi i hapësires se liqenit artificial të Tiranës. Faktet ishin të qarta dhe të pakundërshtueshme. Madje dhe vetë kryebashkiaku i betonit përtej propagandës u detyrua të pranoj që pikërisht TR169 është emërtuar zona e liqenit në planin e përgjithshëm vendor të bashkisë Tiranës, zonë e cila ka radhën për tu betonizuar, ku aktualisht ndodhet garda, oborri i saj dhe gjelbërim i liqenit.

Veliaj vijoj avazin e vjetër të të vetmes gjë që di të bëjë mashtrimit por nuk na dha asnjë dokument për të kundërshtuar betonizimin ardhshëm të kësaj pjese të parkut.

Ai për këtë na dha fjalën e tij, të njëjtën fjalë që u dha dhe qytetarëve të Tiranës se nuk do kishte ndërtime në dhe ka dhënë rreth 2000 leje ndërtimi. Tirana rekord ndërtimesh në vitet e Erioni Betonin.

Sot po u japim një tjetër fakt që vërteton se plani i betonizimit të parkut është i miratuar ne detaje, kulla me ambiente zyrash, banimi, shërbimi, parkingje etj dhe është gati për zbatim.

Le të ndjekim një video të bërë nga një punonjës i Agjensisë Kombëtare të Planifikimit të Territorit, i cili hyn në server dhe na tregon zonën Tr169 që është liqeni dhe që Veliaj thotë gjithçka por nuk e mohon dot planin e betonizimit te tij.

Siç e ndoqët, video ishte shumë e qartë. Kemi të bëjmë me një plan të qartë në shërbim të mafias së ndërtimit dhe pastrimit te parave që përgatiten ti kryejnë një krim mjedisor Tiranës dhe shëndetit të qytetarëve dhe një vjedhje të pashembullt të tokës publike.

E sfidoj publikisht Erion Veliajn që të ballafaqohemi me fakte për këtë plan betonizimi dhe të mos fshihet pas propagandës sepse qytetarët nuk i besojnë më mashtrimet e tij.

Shëndeti i qytetarëve të Tiranës nuk është i sigurt me një kryebashkiak që çdo ditë pronën publike të qytetarëve e vë në shërbim të mafias së ndërtimit, e pastrimit të parave të krimit me qëllim pasurimin e tij dhe të shefit të tij. Me Erion Veliaj, Tirana po shkatërrohet. Erion Veliaj nuk është kryebashkiaku që meritojmë./ CNA.al