web counter
LEXO PA REKLAMA!

SHKARKO APP

App Store
Google Play

AKU bllokon 55 ton “miell gruri” nga Kosova dhe Serbia

1 Shtator 2018, 10:31, Aktualitet CNA

AKU ka bllokuar një ngarkesë prej 55 ton miell gruri në pikën doganore Morinë.

Trupa inspektuese e DRAKU-t evidentoi 2 subjekte të cilat do të fusnin në Republikën e Shqipërisë produktin miell gruri me origjinë nga Kosova dhe Serbia.

Produkti  rezultoi me nivelin e proteinës më të ulët se ai i deklaruar në dokumentacion dhe më i ulët se norma e lejuar për prodhim buke.

Sipas ekzaminimeve laboratorike niveli i proteinës rezultoi të ishte 11.37 % , 11.44% dhe 11.5%, ndërkohë që në fletë analizën që shoqëron produktin, niveli i proteinës është shënuar 12.08% kurse në ambalazhin e produktit është max 13%.

Raport analiza nuk ka nr.loti, date prodhimi/skadimi që ta lidhi me produktin 25 ton miell gruri. Për më tepër niveli i proteinës së deklaruar në raport analize(12.74%) është i ndryshëm nga ai që shënohej në ambalazh të tyre (9.5%).

Autorteti Kombëtar i Ushqimit bëri bllokimin e ngarkesës me sasi 55 ton, dhe do të ndjekë proçedurat doganore për kthimin në origjinë.





Lajmet e fundit nga