web counter
LEXO PA REKLAMA!

SHKARKO APP

App Store
Google Play

E fundit!

x

Dashamir Shehi akuza Ramës dhe Bashës/ Paralajmëron kreun e PD-së

1 Shtator 2018, 08:05, Aktualitet CNA

Kreu i LZHK-së, Dashamir Shehi është shprehur i bindur se si Partia Demokratike, ashtu edhe Partia Socialiste reformën zgjedhore e mendojnë vetëm për vete, pasi sipas tij, atyre nuk iu interesojnë partitë e vogla, qofshin këto aleate me PS apo PD.

Në një prononcim për gazetën Sot, Shehi i bëri thirrje dy partive më të mëdha, të cilat kanë edhe drejtimin e Komisionit të Reformës Zgjedhore që ndryshimet zgjedhore t?i bëjnë në të mirë të gjithë partive politike, në mënyrë që të prodhohet një sistem i ri zgjedhor gjithëpërfshirës.

Madje, Shehi paralajmëroi Bashën se nëse kërkesat e tyre nuk do të merren parasysh, ai sëbashku me partitë e tjera aleate, do të rishikojnë raportet e tyre me PD.

?Deri tani dy partitë e mëdha që kanë edhe drejtimin e Komisionit të Reformës Zgjedhore nuk kanë bërë asgjë dhe shpresojmë që debati të rihapet në vjeshtë. Mirëpo, duhet të dini edhe një gjë që si PD, ashtu edhe PS ndryshimet nuk i bëjnë për ne por mendojnë për veten e tyre. Pra di të them se Partia Demokratike vetëm humbje do të ketë nëse mendon vetëm për vete, ashtu si Partia Socialiste. Megjithatë, shpresoj se kërkesat tona do të merren parasysh. Nga ana tjetër, mendoj se kjo nuk është punë parti të mëdha, apo parti të vogla por duhet t?i shërbejmë qytetarëve shqiptarë. Si përfundim ne do ta mbështesim reformën zgjedhore, duke shpresuar se do të bëhet një sistem i gjithë pranuar për të gjithë. Ndryshe ne do të rishikojmë pozicionet tona?, deklaroi deputeti i Partisë Demokratike./ CNA.al





Lajmet e fundit nga