web counter
LEXO PA REKLAMA!

SHKARKO APP

App Store
Google Play

Bilanci për sezonin turistik/ Rama mbledh ministrat në Vlorë

1 Shtator 2018, 10:40, Aktualitet CNA

Kryeministri i vendit Edi Rama mblodhi ditën e sotme ministrat në Radhimë të Vlorës për të bërë një përmbledhje të sezonit turistik 2018.

Në fjalën e tij Rama shprehet se ka ende punë për të bërë, por ka pasur një ndryshim si nata me ditën.

Kryeministri u ndal tek ndërtimi i një fushe sanitare në Vlorë, duke thënë se puna për të ka filluar 4 vite më parë, dhe se është drejt përfundimit.

?Lajmet e mira nuk bëjnë lajm dhe lajmet e këqija marrin dhenë. Ne mund të themi që jemi në sezonin me të pastër dhe më të mirë. Deri në fund të vitit duam të shkojmë deri në gjashtë million turistë. Kur them sezoni më i pastër, nuk them se është më i pastri. Kemi qënë shumë pis dhe tani jemi pis. Kush thotë: Po po kjo? Po ajo?, i them se ne kemi katër vjet që punojmë për fushën sanitare të Vlorës. Së shpejti, do të fillojë puna për ndërtimin e fushës sanitare.

Në fund të ditës problem jemi ne. Ne patriotët që jemi gati t?i vëmë flakën një flamuri të huaj, ne i hedhim mbeturinat ku të na vijë radha. Është pabesia më e madhe që i bëjmë atdheut tonë.

Të gjithë e dinë që nuk ka të krahasuar me sezonët e mëparshëm. Policia nga ana e saj ka pasur një fuqi më të madhe për të parandaluar krimin.

Do të fillojmë investimet për t?i dhënë fund dramës dhjetra vjeçare për ujrat e zeza. Ndërkohë që askush nuk flet më për problemin e energjisë elektrike. Ne ishim në Lezhë dhe energjia ka ikur një herë për vetëm 20 minuta në një moment furtune.?shprehet Rama./CNA.al





Lajmet e fundit nga