E fundit!

15:07 Kosova & Bota

Senati amerikan sjell projektligjin e rishikuar për sanksionet ndaj Rusisë

Një grup senatorësh dypartiak në Shtetet e Bashkuara e par...

“Pranimet në universitet si tek tregu i Gabit”/ Akuza të forta ministres Nikolla

1 Shtator 2018, 12:23, Aktualitet CNA

Deputeti demokrat Luçiano Boçi ka sulmuar Ministrinë e Arsimit në prag të nisjes së vitit të ri akademik, duke i quajtur pranimet në universitet si treg u Gabi-t.

Në një postim në faqen e tij në rrjetet sociale, deputeti Boçi shkruan se në procesin e pranimeve në universitet vazhdon i njëjti kaos dhe të njëjtat dallavere.

Sipas Boçit, nxënësit turren të marrin një degë edhe pse e dinë që është pa vlerë pasi këtu nuk ka as të ardhme e as punë dhe për këtë situatë ai akuzon ministren e Arsimit.

?Ministria lajmëroi që dhe këtë vit ka dy ?thasë-faza? të mëdhej e shtatë ?thasë-raunde? të vegjël.
Në ato ?thasë? ka plot ?degë-rroba? të përdorura, ka ?degë-televizorë? të prishur e ?degë-magnetofon? që s?punojnë. Ka ?degë-pallto? vetëm për dimër e ?degë-bluza? vetëm për verë, sikurse dhe ?degë-rrokotela?.-shkruan Boçi në postimin e tij.

Postimi i plotë:

PRANIMET NË UNIVERSITET SI TEK TREGU I GABIT
Stina e pranimeve në Universitete ka filluar dhe ?tregu i gabit?, në mungesë të tregut të dijes, është në ethe të plota.
Vazhdon e njëjta rastësi, i njëjti kaos dhe të njëjtat dallavere. Nuk e merr vesh i pari të dytin.
Askund nuk vjen era universitarizëm.
Të gjithë turren të marrin degën-send, me paratë e mundshme në dorë. Kush ka më shumë para e merr qetë-qetë tek privati. Kush ka më pak, pret në rradhë me durim publikisht tek publiku, me sytë nga qielli e ministria.
M.gj.s e dinë që çdo gjë është si mall i përdorur e pa vlerë reale, nxënësit turren me nxitin ta marrin. Sepse s?ka tjetër. S?ka rrugëdalje. As punë. As të ardhme. Asgjë.
Gabi është një lloj shpëtimi i përkohshëm.
Maturantët presin hapjen e ?thesit? të gabit, brenda të cilit është i lidhur fati i tyre.
Ministria lajmëroi që dhe këtë vit ka dy ?thasë-faza? të mëdhej e shtatë ?thasë-raunde? të vegjël.
Në ato ?thasë? ka plot ?degë-rroba? të përdorura, ka ?degë-televizorë? të prishur e ?degë-magnetofon? që s?punojnë. Ka ?degë-pallto? vetëm për dimër e ?degë-bluza? vetëm për verë, sikurse dhe ?degë-rrokotela?.
Duken të ndryshme kështu, por i bashkon fakti që në fund fatura-diplomë e këtyre degëve, nuk i jep dot një vend pune as ?për të çarë kokën? studentëve të ardhshëm.
Në këtë soj-sorrollop sendesh-degë, më fatlumët mund të kapin ndonjë ?degë-firmato?, të dalë boje e mode, por që ha bukë në treg, ose të degdis me dëshirë përtej kufijve dhe që kërkohen më shumë.
Këto janë 10-çat realë që janë munduar vite rresht, por dhe ca fallco, të fabrikuar me nxitim, në sistemin e kalbur parauniversitar.
?Thesi? i parë është hapur dhe fatet e para kanë ndihur ato që janë më afër derës me hekura të ndryshkura dhe të shtrembëruara të tregut.
Të tjerët presin…
Ethet vazhdojnë, sepse ende nuk është hapur ?thesi-fazë? i dytë.
Më e qeta dhe më e lumtura në këtë rrëmujë absurde, aspak të hareshme, është Ruajtsja e Tregut të Gabit.
Herë pas here del në televizor dhe duke çbuzëqeshur, deklaron me një krenari rrënqethëse:
?Mos u mërzisni ?zemra?, ka degë-rrokotela plot për të gjithë. Do merrni e do teprojnë ca. Ne ju duam e po punojmë fooort për ju!?
Do teprojnë sigurisht degë që nuk i do askush se nuk të shpien gjëkundi.
Por do teprojnë edhe nxënës që nuk nuk i pranon kush, sepse i kanë xhepat e shpuar.
Kështu do përfundojë sezoni i Tregut stinor të Gabit.
E në fund Kryepronari i Tregut të Gabit, do ja fusë një fjalim ?gallatë? në parlament.
Patjetër do lavdërojë me patetizëm Rojen e tregut që ja ?hodhi? dhe kësaj rradhe jo vetëm nxënësve e familjeve të tyre, por dhe prof doktorëve që bëjnë si rektorë të pavarur.