Nëse ke zgjedhur që të jesh Lider, merr përsipër Përgjegjësitë!/ Nuk të kanë vënë me zor!

1 Shtator 2018, 12:10, Aktualitet CNA

Unë shkruaj shumë pak sidomos në rrjetet sociale, por sot u zgjova në mëngjes nga një email që vinte nga ana tjetër e botës, dhe më mbuloi një gëzim kur lexoja rrjeshtat e emailit. Ishte nga një ish punonjësi im disa vite më parë, i cili ishte larguar nga puna me sherr të madh, sepse (ishte një karakter shume i fortë por edhe i pabindur) nuk pranonte dot që kishte gabuar dhe shkelur rregullat dhe etikën e kompanisë.

Por nuk eshte kjo ajo që dua të fokusohem, është Përgjegjësia jote si Lider, ajo morale dhe profesionale.

Punonjësit, sidomos në Shqipëri janë të frustruar, të pakënaqur dhe të pamotivuar për 1000 arsye të tregut. Më së shumti,

1) për arsye bazike të pagës së ulët, të mungesës së benefiteve, të kushteve të punes, të parregullsive të tregut, të injorancës profesionale në biznes dhe shërbim klienti (janë elemente që kërkojnë një shkrim tjeter, më sakte qindra shkrime dhe kërkime te tjera, sepse ka ardhur koha ti adresojmë këto tema me zë të lartë dhe të gjejmë zgjidhje).

2) Arsye të pa-aftësisë të punëdhënesve për të ndërtuar struktura dhe standarte të menaxhimit të punonjësve dhe të organizimit të punës.

3) Arsye të mungesës së aftësive menaxheriale dhe të lidershipit të Menaxhimit të Lartë të kompanive. Kjo është ajo që dua të adresoj sot.

-Ti, si Lider ke përgjegjësinë morale dhe profesionale, që ti trajtosh njerëzit me respekt, të dëgjosh cfarë kanë për të thënë (por të dëgjosh realisht do të thotë që të kapësh midis mijëra fjalëve të tij, atë problemin që ka personi përbrenda) ta vendosësh veten në vendin e tij.

-Ti ke përgjegjësinë të zgjedhësh gjuhën dhe mënyrën se si ja transmeton Vlerat, Parimet dhe Standartet e kompanisë (që në të vërtetë janë ato vlera dhe parime që Ti përfaqson si individ), ta përgëzosh në cdo rast të shfaqjes së tyre, por ta kritikosh në cdo rast të shkeljes së tyre.

-Ti, si Lider, ke përgjegjësinë që ruash qetësinë në raste krizash, të jesh i drejtë, të shfaqësh të gjithë etiken, edukatën dhe ti përmbahesh standarteve. (harrojmë shpesh që në pune nuk ka asgjë personale me individët dhe shumica prej nesh përfshihen në gjaknxehtësi dhe konflikte). Ti si Lider ke përgjegjësinë që të sheshosh konfliktet, dhe të ndërtosh bashkëpunimin dhe respektin reciprok.

-Ti si Lider ke përgjegjësinë morale dhe profesionale të njohësh të gjithë punonjësit e tu, (por kur them te njohësh do të thotë të ulesh të bisedosh me cdo punonjës tëndin, ti kuptosh dëshirat dhe ëndrrat, ti kuptosh hallet dhe problemet), ti frymëzosh dhe ti inspirosh përditë. Kjo vetëm për faktin që t?jua besh jetën sadopak më të mirë të gjithëve (përfshirë edhe veten tënde), sepse kjo eshte e vetmja mënyre që të kesh njerëz të angazhuar dhe të përkushtuar për të përmbushur qëllimet e tua dhe të kompanisë.

Ne nuk punojmë me makina, punojmë me njerëz. Nëse njerëzit ndihen mirë, do të jenë shumë më produktive.

-Ti si Lider, ke përgjegjësinë që ti marrësh njerëzit prej dore dhe ti udhëzosh në cdo hap të një ndryshimi (qoftë ky një proces i ri, aftësi apo sjellje korporative që ata duhet të mësojnë apo përmirësojnë).

-Ti si Lider, ke pergjegjësinë që të sillesh cdo dite si pasqyra e vlerave dhe parimeve, sepse përpara se ti thuash njerëzve se si duhet të veprojnë, duhet t?i demostrosh se si duhet ta bëjnë.

Ndaj më gëzoi pa masë ky email falenderues per investimin që kisha bërë në ndërtimin profesional të këtij individi, por dhe kërkesë falje për gjaknxehtësinë dhe mungesën e etikes përpara aq shumë kohësh. I vlerësoj shumë njerëzit që dinë të përballojnë të vërtetën (sepse kërkon shumë forcë karakteri dhe kurajë).

-Ti si Lider, ke pergjegjësinë të thuash më Fal nëse je gabim. / Aleksandra Kasmi