web counter
LEXO PA REKLAMA!

SHKARKO APP

App Store
Google Play

E fundit!

x

Bushati në Dubrovnik/ Tregon sfidat me të cilat përballen vendet e rajonit

1 Shtator 2018, 13:32, Aktualitet CNA

Ministri për Evropën dhe Punët e Jashtme, Ditmir  Bushati po merr pjesë në Forumin e Dubrovnikut me temë: “Forcimi i qëndrueshmërisë – Mesdheu, Evropa dhe Ballkani Perëndimor”.

Forumi zhvillohet nën kujdesin e Kryeministrit kroat Andrej Plenkovi? në të cilin marrin pjesë Kryeministra dhe Ministra të Jashtëm të rajonit, zyrtarë të Bashkimit Evropian, si dhe personalitete të politikës ndërkombëtare.

Në fjalën e tij, Ministri Bushati theksoi katër sfida kryesore me të cilat përballemi dhe që dëmtojnë qëndrueshmërinë e vendeve të rajonit. ?Migracioni, diferencat socio-ekonomike me vendet e BE dhe ndërlidhshmëria, shteti i së drejtës, çështjet e pazgjidhura që lidhen me shtetformimin dhe kufijtë, kanë nevojë për adresimin e duhur?, në mënyrë që t?u përgjigjemi pritshmërive të të rinjve të shek. XXI. Bushati nënvizoi se duhet punuar për përmirësimin e mundësive dhe perspektivës së brezit të ardhshëm.

Ministri u ndal dhe në debatin mbi Evropën dhe vetë Ballkanin Perëndimor në BE.

Përsa i përket diskutimit mbi çështjet e migracionit, kreu i diplomacisë solli në vëmendje qëndrimin koherent të Shqipërisë ndaj kësaj çështje si çështje të solidaritetit dhe vlerave evropiane dhe iu referua si shembull të këtij qëndrimi, vendimit më të fundit të qeverisë për të strehuar 20 refugjatë nga Eritrea.

 





Lajmet e fundit nga