web counter
LEXO PA REKLAMA!

SHKARKO APP

App Store
Google Play

Gjendja e mjerueshme e bujqësisë/ Duka nxjerr zbuluar Qeverinë

27 Gusht 2018, 11:26, Aktualitet CNA

Kreu i Partisë Agrare Ambientaliste, Agron Duka, ka akuzuar qeverinë për mos mbajtjen e premtimeve përsa i përket sektorit të bujqësisë.

Në një postim në rrjetet sociale, Duka ka listuar një sërë problemesh me të cilat feremrët po përballen sot.

Ndër të tjera Duka është shprehur, se nëse qeveria kërkon të shkurtojë buxhetin, duhet ta bëjë për shpenzimet e luksit dhe jo për bujqësinë, pasi ky sektor siguron pjesën më të madhe të punësimit në shkallë kombëtare.

Postimi i plotë

Pesë vite më parë, me këtë mesazh elektoral, mazhoranca aktuale përshkruante gjendjen e bujqësisë. Pesë vite më pas asgjë nuk ka ndryshuar.

Uji për vaditje mungon, tokat bujqësore përmbyten, nafta me të cilën furnizohet një traktor në Lushnje paguhet me të njëjtin çmim me të cilën furnizohet një Benz në Tiranë, fermerët paguajnë TVSH-në mbi imputet bujqësore, madje 3 vitet në vijim do të jenë edhe më të vështira për këtë sektor.

Qeveria ka vendosur që buxheti për Ministrinë e Bujqësisë të ulet vit pas viti, duke zbritur nën 0.5 për qind e prodhimit kombëtar.

Për vitin e ardhshëm, financimi për bujqësinë do të ulet në 0.53 për qind e prodhimit kombëtar, ndërsa në vitin 2021 ai do të zbresë edhe më, në 0.48 për qind e PBB-së.

Aktualisht bujqësia është sektori që siguron pjesën më të madhe të punësimit në shkallë kombëtare, duke punësuar gati gjysmën e popullsisë. Paralelisht prodhimi që vjen nga bujqësia përbën rreth 20 për qind të prodhimit të brendshëm bruto.

Një qasje dritëshkurtër, që do të ndikojë në braktisjen e sektorit të bujqësisë dhe do të thellojë varfërinë në zonat rurale.
Nëse kërkoni të ulni shpenzimet buxhetore, ju sugjeroj të nisni me shpenzimet e luksit, udhëtimet me avionë dhe helikopterë, jo me një nga sektorët më jetik të ekonomisë shqiptare. /CNA.al





Lajmet e fundit nga