Rama nuk e lëshon kunatin e Xhafajt/ Çfarë fshihet pas dërgimit të Sokol Berberit në Strasburg?

27 Gusht 2018, 09:43, Aktualitet CNA

Pas disa refuzimesh radhazi Qeveria shqiptare sërish ka çuar kandidaturën e Sokol Berberit për në Gjykatën Ndërkombëtare të Drejtave të Njeriut.

S ?dihet se përse ka një këmbëngulje të tillë Qeveria, por ajo që dihet është se Sokol Berberi, nuk është një kandidat dosido. Ai është kunati i Fatmir Xhafajt, i cili përveç se drejton Ministrinë e Brendshme, ka nën udhëheqje edhe institucione të tjera, si Prokurorinë e Përgjithshme apo Ministrinë e Drejtësisë.

Fatmir Xhafaj ka treguar se është një gur i rëndësishëm i ?Qeverisë Rama? dhe deri më tani, nëpër të gjitha skandalet që ka kaluar ka pasur mbështetjen e kryeministrit Edi Rama.

Nuk dihet nëse e ka gjetur këtë mbështetje ngaqë Rama e vlerëson, apo se fshihet diçka tjetër në këtë mes.

Rasti i Sokol Berberit pas refuzimeve radhazi nga Strasburgu ka ngritur një sërë pikëpyetjesh.

Përse Rama nuk e lëshon kunatin e Xhafajt dhe përse e do patjetër në Strasburg?

Sokol Berberi disa herë është akuzuar nga opozita se ai është favorizuar, sepse sipas tyre është kunati i ministrit të Brendshëm, Fatmir Xhafa.

Këto akuza kanë rënë në vesh të shurdhër dhe kemi një situatë të tillë, ku Rama nuk heq dorë duke iu kundërpërgjigjur ashpër Strasburgut dhe kemi një kunat, i cili edhe pse i ?mbytur?, disa herë nga Strasburgu ?noton? mbi kurrizin e Ministrit të Brendshëm Fatmit Xhafaj.

Kujtojmë se në fazën e parë, Qeveria shqiptare dërgoi emrin e kandidatëve Sokol Berberi, në atë kohë anëtar i Gjykatës Kushtetuese; Ina Rama, ish-kryeprokurore, aktualisht gjyqtare pranë Kolegjit të Posaçëm të Apelimit dhe emrin e Gent Ibrahimi, aktualisht i zgjedhur anëtar i Këshillit të Lartë të Prokurorisë.

Por, kjo listë u refuzua nga Starburgu ndërsa qeveria shqiptare dërgoi si kandidat sërish Sokol Berberin, ndërsa të rinj futi Aurela Anastasin dhe Aleksandër Muskaj.

Por edhe kjo listë, në muajin prill të vitit 2017, u rrëzua sërish nga Këshilli i Europës.

Qeverisë shqiptare iu kërkua të dorëzojë tri kandidatura të reja brenda 31 gushtit të këtij viti.

Edhe në fazën e tretë nuk e lëshoi gjyqtarin Sokol Berberi,duke shtuar edhe Suela Mënerin dhe Irakli Koçollarin.

Edhe kjo listë u rrëzua si dy të parat. Në raportet e publikuara nga Këshilli i Europës,u nënvizua se kandidaturat e dërguara nga qeveria shqiptare dhe procedura e përzgjedhjeve të tyre nuk janë në përputhje me standardet e kërkuara nga Asambleja e Këshillit të Ministrave të Bashkimit Europian./CNA.al