E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Zbardhen detajet e mbledhjes së qeverisë në Vlorë/ Rama “dush të ftohtë” ministrave

25 Gusht 2018, 07:22, Aktualitet CNA

Kryeministri Rama ditën e djeshme ka mbledhur kabinetin në vilat qeveritare në Vlorë, pa praninë e mediave.

Takimi filloi rreth orës 10:00 të paradites së djeshme, ndërsa në fokus mësohet të ketë qënë llogaridhënia e ministrave.

Në këtë mbledhje, ministrat kanë paraqitur para kreut të qeverisë një bilanc të punës së kryer përgjatë këtyre 300 ditëve të qeverisjes. Ministrat kanë raportuar për të gjitha projektet që kanë arritur të përfundojnë, të gjitha marrëveshjet e nënshkruara, për reformat dhe nismat e ndërmarra, për ligjet e dërguara për konsultim dhe miratim. ?raporton gazeta Sot.

Po ashtu, një tjetër pikë ku është vënë theksi kryesor nga kryeministri Edi Rama ka qenë çështja e punësimeve, për të cilat lideri i qeverisë vijon të jetë i pakënaqur me punën e kryer nga kabineti. Pothuajse në çdo mbledhje të grupit parlamentar ai ka kërkuar që të gjithë militantët e LSI të largohen nga administrata shtetërore, por jo gjithmonë ky urdhër është zbatuar. Për këtë arsye, Rama kërkoi dje nga ministrat e tij edhe një bilanc për punën e kryer në këtë drejtim, pra sa militantë të partisë së Kryemadhit janë larguar e sa të tjerë nga Partia Socialiste janë punësuar. Rama ja u ka bërë të qartë të gjithë ministrave se zgjedhjet janë afër dhe duhet të hapin sa më shumë vende pune.

Madje në mbledhje nuk kanë munguar dhe kritikat e tij ndaj emrave të caktuar që nuk kanë përmbushur pritshmëritë. Duhet theksuar fakti se kushdo ministër që ka qenë larg pritshmërive të Edi Ramës në këtë drejtim, rrezikon të shkarkohet në shtator. Nga ana tjetër, Rama nuk ka lënë pa cekur edhe Portalin e Bashkëqeverisjes. Ai ka kërkuar të dëgjojë nga ministrat edhe një raportim të përgjithshëm për ankesat e qytetarëve të mbërritura në këtë portal dhe sa nga ato kanë marrë zgjidhje. Kujtojmë që edhe kjo ka qenë një pikë të cilës kryeministri i ka mëshuar gjithmonë fort, duke kërkuar me ngulm nga çdo ministri që në fokus të jetë bashkëqeverisja me qytetarët.