web counter
LEXO PA REKLAMA!

SHKARKO APP

App Store
Google Play

Video-Spiunazhi në Amerikë/ Ja kush është koloneli me origjinë shqiptare që e drejton

25 Gusht 2018, 07:14, Aktualitet CNA

Chris Costa është emri i kolonelit me origjinë shqiptare, e cili drejton një nga institucionet më të rëndëishme në Shtet e Bashkuara të Amerikës.

Costa është drejtori i ri i Muzeut Ndërkombëtar të Spiunazhit. Në një intervistë me gazetaren Ardita Dunellari, ai është shprehur, se institucioni që ai drejton luan një rol të rëndësishëm për të informuar publikun mbi punën e vështirë dhe me dedikim të agjencive të zbulimit për të garantuar sigurinë kombëtare.

?Gjyshërit e mi, të dy u lindën në Shqipëri dhe i sollën prindërit e tyre këtu, mbërritën në Ellis Island. Këtu gjetën Ëndrrën Amerikane. Krijuan familje. Unë jetoj me trashëgiminë që më lanë. Jam shumë krenar për prejardhjen shqiptare. Prindërit e babait ishin nga Vithkuqi, pranë Korçës, ndërsa prindërit e nënës ishin nga Berati. Pata shansin që në fillim të viteve 1990 të ecja nëpër të njëjtat rrugë në fshatrat nga kishin ardhur ata. Ishte e mrekullueshme?,- ka treguar ai më tej për ‘Zërin e Amerikës’.

Kolonel Chris Costa e mori drejtimin e muzeut pas një karriere të gjatë si oficer zbulimi në radhët e ushtrisë. Ai është një nga figurat më të respektuara në Shtetet e Bashkuara të Amerikës./ CNA.al





Lajmet e fundit nga