E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

Ministri i drogës/ Krahu i djathtë i trafikantëve në Qeveri?!

25 Gusht 2018, 17:50, Aktualitet CNA

Sërish drogë. Ky është raportimi pothuajse i përditshëm i mediave.

Grupet kriminale dhe trafikantët nuk e ndalojnë aktivitetin e tyre, jo vetëm në Shqipëri, por edhe jashtë kufijve.

Çdo ditë në media raportohet bllokimi i sasive të mëdha të drogës shqiptare në vendet fqinje, pasi kalohet me lehtësi nga Shqipëria.

Kush ua jep këtë lehtësi dhe siguri trafikantëve? Ministri i Brendshëm Fatmir Xhafaj, i cili duhet të përgjigjet, hesht.

Më herët ai bënte përgjegjës zyrtarët e shtetit, për trafikun e sigurtë të drogës, ndërsa sot që udhëheq vetë Ministrinë e Brendshme, hesht.

Me 24 mars 2018 në një intervistë për Zërin e Amerikës, Ministri i Brendshëm Fatmir Xhafaj, është shprehur se kultivimi dhe trafikimi i drogës në Shqipëri bëhet e mundur nga lidhja e botës kriminale me zyrtarët e shtetit.

?Pa mbështetjen, ose pa blerë së paku heshtjen e zyrtarëve të shtetit, është e vështirë për të kryer veprimtari të kësaj natyre dhe sidomos këtu bëhet fjalë për zyrtarë që janë në agjencitë ligjzbatuese dhe që mund ta pengojnë, apo mund t?i favorizojnë veprimtari të tilla kriminale?, ka thënë Xhafaj.

A është blerë Xhafa që hesht, kur tonelata të tëra drogë kalojnë nën hundën e tij dhe të Policisë për në vendet fqinje?

Apo Xhafaj, ka lidhje me botën kriminale?

Mediat pyesin, dhekur pala tjetër hesht, me të drejtë dyshojnë se trafikantet e drogës e kanë krahun e djathtë në Qeveri, përkatësisht në krye të Ministrisë së Brendshme.

Në pak ditë, tonelata drogë

Brenda një kohe fare të shkurtër, tonelata me drogë, të kaluara nga Shqipëria, janë kapur në vendet fqinje.

CNA.al po sjell disa nga rastet. Me 18 korrik 2017, janë sekuestruar, 112 kilogramë kanabis sativa në vendin e quajtur ?Metamorfosi? në aksin Janinë-Kozan.

Lënda narkotike ka kaluar përmes vijës së gjelbër kufitare rreth 1 javë më herët parë, ndërsa 17 korrik ishtë transportuar drejt Janinës.

Vetëm sot, janë raportuar dy raste të bllokimit të lëndës narkotike shqiptare, në Greqi dhe në Itali.

Një sasi prej 86 kg lëndë narkotike, e llojit marijuanë është sekuestruar nga policia në kufirin greko-shqiptar, në Igumenicë.

Policia ka ndaluar një mjet i cili vinte në drejtim të kufirit, dhe nga kontrolli i imtësishëm rezultoi se poshtë sediljeve dhe në portat e mjetit u gjetën të fshehura 84 pako me 86 kg 230 gram marijuanë.

Prej fillimit të vitit e deri sot, në Igumenice, Korfuz, Lefkadha, Kefalonia, Janinë, Athine, Selanik, Arte, Kostur, Grevena, Follorine, Aleksandroupoli, policia greke ka sekuestruar rreth 7.5 ton marijuanë që vinte nga Shqipëria.

Gjithashtu, një sasi prej 553 kilogramë drogë është sekuestruar nga Guardia di Finanza në brigjet e Brindisit, ku është bërë i mundur edhe arrestimi i dy shtetasve shqiptarë.

Mësohet, se kanë qenë mjetet e GDF ato që kanë lokalizuar në brigjet e Brindisit një gomone që nga ujërat ndërkombëtare, e cila po shkonte drejt bregdetit italian me një mbulesë të dyshimtë.

Më pas, kur efektivët italianë arritën mjetin dhe urdhëruan trafikantët të ndalonin, ata rritën shpejtësinë për t?i shpëtuar kontrollit./CNA.al