E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

Udhëtimi surprizë i Kryeministrit/ Deputeti demokrat përplaset me krahun e djathtë të Ramës

25 Gusht 2018, 16:46, Aktualitet CNA

Ditën e sotme, deputeti demokrat Edi Paloka, akuzoi Ramën, duke thënë se kryeministri i popullit më të varfër në botë, ka udhëtuar me helikopter ?cougar?, nga Vlora në Rinas dhe që nga aty u nis me charter drejt Torinos, për të ndjekur ndeshjen Juventus- Lazio.

Në lidhje me këtë ngjarje ka reaguar Drejtori i Komunikimit për Zyrën e Kryeministrit, i cili ka dhënë detaje të tjera rreth udhëtimit.

Në një prononcim për Report Tv, Fuga është shprehur se Rama u nis sot drejt Torinos, sëbashku me drejtorin sportiv të Lazios Igli Tare.

Fuga ka sqaruar gjithashtu se avioni ishte përgatitur nga klubi i Lazios, për drejtorin sportiv të saj, Igli Taren, i cili kthehej nga pushimet në jug.

Ndër të tjera zyrtari i Kryeministrisë është shprehur se ka qenë vetë Presidenti i Juventus, Andrea Agnelli i cili i ka bërë ftesë Ramës, ndërsa shton se udhëtimit e këtij të fundit, kanë kushtuar më pak se ato të paraardhësit të tij.

Fuga shton më tej se paratë për udhëtimet private nuk janë marrë asnjëherë nga buxheti i shtetit.

Këto akuza, Fuga i ka quajtur një budallallëk me brirë.

Prononcimi i plotë

Eshte plotesisht e vertete qe kryeministri Edi Rama ka udhetuar sot drejt Torinos, se bashku me Drejtorin Sportiv te Lazios, Igli Tare. Ata jane nisur nga Rinasi me nje avion te prenotuar nga klubi i Lazios per drejtorin sportiv, Igli Tare. I cili pasi ka kaluar disa dite pushime ne jug ne Shqiperise, eshte kthyer sot ne detyren e tij.

Kryeministri eshte i ftuar nga presidenti Agnelli, per ndeshjen e pare ne shtepine e juventineve dhe do te kthehet neser ne mengjes. Per ata qe perpiqen te luajne luftash me avione e me helikoptere, sqarojme se udhetimet e kryeministrit te vendit i kane kushtuar shume me pak buxhetit te shtetit, sesa ato te paraardhesit.

Kryeministri udheton ne Economy Class dhe po keshtu edhe ministrat. Buxheti i shtetit nuk ka paguar asnjehere per asnje udhetim privat apo familjar te tij. Per kedo qe nuk e di se kryeministrat si rregull i kane shfrytezuar helikopteret gjate oreve te detyruara vjetore te fluturimit qe keto mjete kryejne (per arsye teknike mirembajtjeje), informojme se udhetimet e kryeministrit me helikopter gjate kohes se tij ne detyre, numerohen me pak se sa gishtat e duarve.

Ka me siguri njeqind rruge e arsye per te bere opozite me Edi Ramen e me qeverine e tij! Por nese do me kerkonin te zgjidhja nje absurditet mes plot te tilleve ne listen e akuzave ndaj kryeministrit, eshte akuza se Edi Rama eshte i dhene pas luksit, veseve e parave. Nje budallallek me brire!