E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Enno bën pushime të paqeta!

25 Gusht 2018, 17:06, Aktualitet CNA

Pas një periudhë mundimesh që i tregohen veç natës së varrit Enno ka merituar një pushim të mirë. Djersët që derdhi për planin e shpëtimit kombëtar, i cili u vodh pa lënë gjurmë ia ka bërë zemren pleh. Pasi shqyrtoi gjendjen në parti e dha urdhërat e fundit u nis për tu prehur.

Por çuditerisht nuk ja del të flejë si sheleg ashtu siç pati shpresuar. Një natë pa në ëndërr monumentin e Aldo Bumçi në Lezhe në krah të Gjergj Fishtës! I dukej sikur monumenti e ndiqte nga pas duke i thënë unë jam Aldo i vërtetë ndërsa ti je monument. Nga frika se mos ngrinte në bronx i doli gjumi duke gulçuar! Gjuha iu tha ! Piu nja dy tri broke me ujë po nuk i dilte e keqja. Në shelzong shtiqej i paqetë sikur ti kishte rënë ufuth në sy.

Një natë tjeter u shtiri sikur dikush i kishte dhënë për të lexuar 10 artikujt e fundit të Tritanit. I dukej puna me e mundimshme në botë. Guri i Sizifit i shfaqej si gjeth në krahasim me ato. U zgjua mbytur ujë në djersë . Poqi një kafe pa sheqer dhe e piu për t?u bindur që ëndrra nuk po e ndiqte nga pas. Ditën bëri not qamet. Dukej si silurë për nga furia që çante detin.

Pasdite ishte optimist i bindur që do bënte gjumë ushtari. Po përsëri shijoi trishtimin e maktheve. Enno është intelektual me peshë për të tillë e njeh gjithë partia mirëpo Myslymi ju shfaq në ëndërr duke i bërë pyetje mbi ?Republikën e Platonit?. Enno nuk përgjigjej dot.

U zgjua si maçok i rrahur me shkop. U vërtit nja dy orë në shëtitore dhe u rikthye në krevat. Qëpallat e rënduara u mbyllën. Iu duk sikur doktori me Lulin e kishin thirrur për ta bërë sekretar të Përgjithshem duke i mbajtur një fjalim mrësëlënës.

Po kur shkoi në zyrë aty gjeti Salianin të ulur në kolltuk ku i thotë ? Aaa sa mirë erdhe në kohë? …Pështypa iu tha e nuk më solle kafenë të piu e zeza. Qielli desh e zu nën vete. Nga pesha e tij u zgjua duke vikatur. Në PD pritet të ketë zhvillime, ngjarje, zgjedhje, revolucion dhe Enno duhet të pergatise doktrinat. Një Zot e di si do te flejë ai netët e ardhshme./CNA.al