web counter
LEXO PA REKLAMA!

SHKARKO APP

App Store
Google Play

Shqipëria rrezikohet nga zjarret/Qeveria me pushime

7 Gusht 2018, 17:10, Aktualitet CNA

Pas tragjedisë biblike që ndodhi në Greqi, ku zjarret morën jetën e 91 personave dhe lanë pas një shkatërrimin masiv të shtëpive dhe bizneseve, ?Zgjidhja? e ka ndjekur me kujdes reflektimin e qeverisë shqiptare.

Fatkeqësisht, njësoj si në çdo fushë tjetër, kjo qeveri vazhdon me një papërgjegjshmëri kriminale që të ?flejë gjumë?. Instituti i Gjeoshkencës ka paralajmëruar së fundmi, se gjatë muajit gusht, si pasojë e temperaturave të larta, Shqipëria futet në hartën e vendeve më të rrezikuara në rajon dhe në Europë. Vitin e kaluar vendi ynë u përfshi nga zjarre masive që dogjën mijëra hektarë pyje dhe kjo tragjedi, kishte brenda edhe dorën e njeriut.

Pavarësisht nga paralajmërimet, qeveria dhe institucionet ende nuk kanë marrë masa parandaluese. Pushteti lokal i cili ka në administrim pyjet, është i falimentuar. Asnjë nga bashkitë e vendit, nuk plotëson fondin prej 3% të buxhetit në funksion të Emergjencave Civile. Shërbimi ynë zjarrfikës funksionon me mangësi e prapambetje të mëdha vetëm në zonat urbane. Nga ana tjetër Policia e Shtetit nuk ka asnjë plan masash për të parandaluar atë që bëjnë barinjtë apo njerëz të tjerë të papërgjegjshëm, të cilët djegin pyje dhe kullota në këtë periudhë.

Së fundmi Raporti Botëror i Riskut e shpallte Shqipërinë si vendi më i rrezikuar në Europë, për sa i përket fatkeqësive natyrore si zjarret, përmbytjet dhe tërmetet  dhe po ashtu ?kampion? në paaftësinë e reagimit, përkrah Xhibutit, Zimbabves dhe Afganistanit. Megjithatë qeveritarët tanë kanë ikur të gjithë me pushime në resortet dhe hotelet më të shtrenjta…

#ZgjidhjaPërShqiptarët





Lajmet e fundit nga