web counter
LEXO PA REKLAMA!

SHKARKO APP

App Store
Google Play

E fundit!

x

Festa e Birrës në Korçë/ Policia "zbret" pranë qytetarëve

7 Gusht 2018, 16:39, Aktualitet CNA

Policia e Korçës ka marrë masat e duhura për garantimin e rendit dhe sigurisë publike në kuadër të manifestimit të Festës së Birrës-Gusht 2018.

Festa e Birrës do mbahet në qytetin e Korçës, përpara Stadiumit ?Skënderbeu? si dhe te ?Pazari i Vjetër? nga data 8 deri me 12 gusht.

Nga ana e Drejtorisë Vendore të Policisë Korçë, janë marrë një sërë masash organizative për zhvillimin e manifestimin sa më normal të saj.

Njoftimi i plotë i policisë:

Nga këto struktura do të merren masa për bllokimin e lëvizjes së automjeteve nga vendi i quajtur ?Lëndina e Lotëve?, ?Pallati i Sportit?, Qendra e Trajtimit të Studentëve, drejt Unazës së Stadiumit si edhe në rrugën ?Niko Kovaçi? (rruga e dritave të verdha) duke filluar që nga data 08.08.2018, ora 10:00.

Sqarojmë të gjithë pjesëmarrësit se organizatorët kanë marrë masa për lejimin e parkimit, pranë kompleksit sportiv, në afërsi të Stadiumit.

Ndërkohë do të lejohet hyrja në unazën lindore dhe veriore të Stadiumit, vetëm për automjete apo subjekte të vecanta që janë të autorizuar nga organizatorët e këtij eventi.

Përgjatë Shesheve dhe Bulevardeve kryesore të qytetit ?Republika? dhe ?Gjergj Kastrioti?, ku ka përqëndrim dhe qarkullim të madh njerëzish e mjetesh, do të ketë shërbime të shtuara të punonjësve të Policisë, të cilët do të mbikqyrin ruajtjen e rendit, do të ndërhyjnë në zgjidhjen e problemeve, si edhe do të parandalojnë krijimin e situatave të ndryshme të cilat mund të cënojnë sigurinë publike.

Në varësi të fluksit të mjeteve, Policia Rrugore do të marrë masa për orientimin dhe disiplinimin e lëvizjes si para, gjatë por edhe pas përfundimit të aktivitetit, deri në normalizimin e saj.

Këshillohen të gjithë drejtuesit e mjeteve që të shmangin lëvizjet e shtuara me mjet përgjatë këtyre ditëve, të respektojnë rregullat e qarkullimit rrugor duke kufizuar përdorimin e pijeve alkoolike, të vendosin rripin e sigurimit dhe kaskën mbrojtëse, të mos përdorin celularin gjatë drejtimit të mjetit, me qëllim shmangien e ngjarjeve të mundshme rrugore.

Shërbimet e Rendit, do të kujdesen gjithashtu për të mbajtur kontakt të vazhdueshëm me drejtuesit e objekteve me rëndësi të veçantë si : Nënstacionet Elektrike, Ujësjellësi, etj për të forcuar masat e ruajtjes së tyre.

Të gjithë qytetarët të cilët ndeshen me probleme apo shqetësime të ndryshme, janë të lutur të telefonojnë tek nr 129 i Policisë së Shtetit, pasi do ju sigurohet një reagim i menjëhershëm.

Policia e Korçës, gjen rastin t`iu urojë argëtim sa më të këndshëm, të gjithë pjesëmarrësve në këtë event festiv!/CNA.al

 





Lajmet e fundit nga