Zgjedhjet vendore/ LSI drejt tkurrjes, ja bashkitë ku dominojë PD-PS

7 Gusht 2018, 08:12, Aktualitet CNA

Zgjedhjet vendore janë vetëm një vit larg. Kjo do të thotë se me ardhjen e muajit shtator, partitë politike do të ndezin ?motorët? për të filluar planifikimet për këtë proces zgjedhor. Gjatë shtatorit pritet që të nisin edhe diskutimet për përzgjedhjen e kandidatëve që do të përfaqësojnë partitë politike e që do të ?dirigjojnë? fushatën zgjedhore.

Por teksa zgjedhjet vendore afrojnë çdo ditë e më shumë dhe partitë politike më të mëdha në vend bëhen gati për këtë sfidë të radhës, si është situata nëpër bashki? Cila është partia që dominon?

Gazeta ?SOT? ka bërë një projeksion të mandateve të të gjitha partive në bashkitë e vendit dhe PS rezulton se ka shumicën në 34 bashki. Socialistët, së bashku me mjaft aleatë të vegjël të saj, përfshirë edhe PDIU, vijojnë të mbajnë ?frerët? e shumicës së bashkive. Ndërkohë, 7 njësi të tjera pritet të shndërrohen në një arenë përplasjesh mes PS-LSI-PD, pasi duke parë aleancën Basha-Kryemadhi, me shuma gjasa edhe në këto bashki pritet të ketë përmbysje mandatesh, për faktin se diferencën e vendos vetëm 1 anëtar.

Sakaq, pavarësisht se PD-LSI njihen për aleancën e tyre gjatë kohëve të fundit, kjo gjë nuk e ka shmangur rrudhjen e këtyre dy forcave dita-ditës. Kujtojmë që para pak kohësh nga LSI nisi një furtunë dezertimesh dhe partia e Monika Kryemadhit u braktis nga 54 këshilltarë bashkiakë, duke u bashkuar me PS. Një gjë e tillë tregon qartë se PS jo vetëm rritet, por dominon edhe këshillat, duke e bërë më të lehtë vendimmarrjen e saj.

Sipas të dhënave, PS rezulton shumicë në disa bashki kryesore, por në më të shumtën në bashki më të vogla. Nëse i marrim me radhë: në Poliçan PS bashkë me aleatët e saj ka 15 këshilltarë, ndërsa LSI, 7 dhe PD, 2. Pra edhe pse janë bashkë, PD dhe LSI nuk kanë më shumë se 9 këshilltarë. E njëjta situatë dhe në Kuçovë. PS aty ka 17 këshilltarë ndërsa PD, 2 dhe LSI, 6 këshilltarë. Ndërkohë në Himarë kemi rezultat të barabartë. PS dhe aleatët e saj kanë 11 këshilltarë , ndërsa edhe LSI+PD dhe aleatët kanë 11 këshilltarë.

Në Peqin rezultati ndahet: PS dhe aleatët, 11 këshilltarë; LSI, 4 këshilltarë; PD dhe aleatët, 5 këshilltarë. Në Gramsh: PS dhe aleatët,17 këshilltarë, ndërsa LSI+PD dhe këshilltarët 14 këshilltarë. Po ashtu, në Tiranë: PS dhe aleatët, 19 këshilltarë, ndërsa LSI+PD dhe aleatët, 12 këshilltarë. Ndërkohë dhe shumë bashki të tjera të rëndësishme si Korça, Vlora, Devoll, Pogradeci, Saranda, etj. sërish PS dominon thellë. Më konkretisht: në Korçë: PS dhe aleatët, ka 23 këshilltarë; LSI+PD dhe aleatët, 18 këshilltarë; në Vlorë: PS dhe aleatët, 29 këshilltarë; LSI, 1 këshilltar; PD dhe aleatët, 11 këshilltarë; në Pogradec: PS dhe aleatët, 16; LSI, 5 këshilltarë; PD dhe aleatët, 10 këshilltarë; në Sarandë: PS dhe aleatët, 16 këshilltarë; LSI, 4 këshilltarë; PD dhe aleatët, 3 këshilltarë. Pra, edhe nëse LSI bashkohet me PD në 3 bashkitë e fundit, sërish PS do të ishte zotëruese. Ajo që vihet re është se më e rrudhura si parti është ajo e Monika Kryemadhit. Në shumë bashki të vendit ajo u prek nga ?hemorragjia? e këshilltarëve, ndërsa edhe aleanca me PD nuk i ka ardhur aspak në ndihmë sepse vijon të jetë në minorancë.