Gjykata Kushtetuese në koma/ Zbardhen emrat e kandidatëve, që presin emërimin

6 Gusht 2018, 10:50, Aktualitet CNA

Ligji i Vetingut ka përcaktuar si prioritet për t?ju nënshtruar fillimisht Vetingut anëtarët e Gjykatës së Lartë, Gjykatës Kushtetuese dhe më tej të tjerët.

Dihet tashmë se Gjykata e Lartë dhe ajo Kushtetuese janë jashtë funksionit.

Ndërkohë, Komisioni i Pavarur i Kualifikimit, para pak ditësh ka njoftuar se kandidatët që synojnë të jenë pjesë e Gjykatës Kushtetuese, do të jenë të parët, që do të kalojnë në procesin e rivlerësimit.

Janë shtatë gjyqtarë dhe këshilltarë pranë gjykatave, të cilët janë kandidatë për anëtarë të Gjykatës Kushtetuese.

Ilir Mustafaj gjyqtar i Tiranës, Luan Dervishi gjyqtar i Apelit Shkodër, Rexhep Bekteshi Gjykata e Durrësit, Regleta Panajoti Gjykata e Tiranës, Valbona Bala ish-këshilltare në Gjykatën Kushtetuese, Arta Vorpsi këshilltare në Gjykatën Kushtetuese dhe Elsa Toska këshilltare në Gjykatën Kushtetuese, janë kandidatët potencial.

Nëse arrijnë të kalojnë procesin e Vettingut, atëherë ata mund të bëhen zyratrisht anëtarë të Gjykatës Kushtetuese.

Në të kundërt Kushtetuesja do të mbetet në kolaps dhe procesi do të fillojë nga e para.

Kandidatët e errësirës?

CNA.al, ka bërë një vëzhgim rreth shtatë kandidatëve të cilët synojnë Kushtetuese, por për pjesën më të madhe të tyre mungojnë informacionet.

Edhe opinioni publik duhet të dijë, se kë do të paguajë me taksat e tij, në institucionin e Kushtetues, dhe se zgjedhja në detyrën e gjyqtarit në errësirë të plotë, veç sa do të hidhte dyshime, për skenare manipulative.

Ilir Mustafaj, kandidat për Gjykatën Kushtetuese, ka lindur më 15.09.1970, në Ersekë. Nga viti 1992 ? 1996 ai ka kryer Fakultetin e Drejtësisë, Universiteti i Tiranës, me shkëputje nga puna. Në Gusht 1996 ? Maj 2000, është punësuar ndihmësgjyqtar në Gjykatën e Rrethit Gjyqësor Tiranë. Në Maj 2000 e në vazhdim Gjyqtar në Gjykatën e Rrethit Gjyqësor Tiranë. Ndërkohë në vitin 1996 e në vazhdim Pedagog i jashtëm, Lektor në Lendën ?E Drejta e Detyrimeve? në Fakultetin e Drejtësisë të Universitetit të Tiranës, në Fakultetin Ekonomik të Universitetit të Tiranës dhe në një universitet privat.

Luan Dervishi, kandidat për Gjykatën Kushtetuese, ka punuar gjyqtar në Gjykatën e Rrethit Gjyqësor Tepelenë për tre vjet. Më pas ka vijuar gjyqtar në Gjykatën e Rrethit Gjyqësor Librazhd për katër vjet dhe aktualisht Gjyqtar në Gjykatën e Apelit Shkodër prej një viti.

Rexhep Bekteshi, kandidat për Gjykatën Kushtetuese, është gjyqtar në Gjykatën e Rrethit Gjyqësor Durrës prej pesëmbëdhjetë vjetësh dhe aktualisht zv/kryetar i Gjykatës të Rrethit Gjyqësor Durrës.

Gjyqtarja e Gjykatës së Tiranës Regleta Panajoti, kandidate për Gjykatën Kushtetuese, me informacion të mangët publik.

Edhe për Valbona Balën (Pajo), që është kandidate për në Gjykatën Kushtetuese, dihet vetëm se ka qenë këshilltare e gjyqtarëve në Gjykatën Kushtetuese,

Arta Vorpsi, dhe Elsa Toska,të dyja kandidate për Gjykatën Kushtetuese, nuk kanë informacione publike mbi karrierën dhe veprimtarinë e tyre./CNA.al