Fakte/ Aeroporti i Rinasit rrjep shqiptarët

6 Gusht 2018, 10:48, Aktualitet CNA

Kompania e cila ka marrë me koncesion aeroportin e Rinasit, prej kohësh është vënë në qendër të vëmendjes nga mediat pasi tarifat që ajo ofron për qytetarët shqiptarë, por jo vetëm, janë 2 deri në 3 herë më të larta se ato të rajonit.

Fillimisht ishte televizioni Klan që denoncoi koncesionarin e Rinasit dhe CNA.al hulumtoi më tej lidhur me këtë rast.

Nga verifikimet rezultoi se çmimet që aeroporti i Rinasit ofron janë një katastrofë e vërtetë, krahasur me ato të vendeve të tjera të rajonit.

Kështu nëse nga aeroporti i Rinasit duhen minimalisht 350 euro për një person për të shkuar në Colognia Boon Germany, nga Thessaloniki i Greqisë mund ta presësh biletën për një person me vetëm 50 euro.

Në këtë mënyrë nga Selaniku, në Cologne Boon Germany mund të paguash vetëm 170 euro për tri persona.

Biletë e prerë për tri persona nga Thessaloniki- Cologne Bonn Germany dhe kushton 167.97 euro

Biletë e prerë për një person nga Tirana në Cologne, Boon Germany dhe kushton 401.41 euro

Por Selaniku nuk është rasti i vetëm. Kjo gjë ndodh dhe në vendet e tjera të rajonit Prishtinë, Podgoricë, Shkup. Në këtë rast kemi përzgjedhur vendet e rajonit me mbërritje në Budapest, London Luton dhe Viennë.

Ja çmimet e biletave:

Disa ditë më parë në media është raportuar se tarifat që koncesionari i Aeroportit Ndërkombëtar të Tiranës u vendos kompanive të fluturimit ka filluar të rishikohet nga Qeveria.

Kujtojmë se forma e re e Partneritetit Publik-Privat që ka prezantuar Qeveria Rama ka sjellë reagimin e ashpër të opozitës në deklarata, por deri më tani nuk ka një reagim konkret përballë kësaj të keqeje që shqiptarët po e vuajnë dita-ditës. /CNA.al

Nga fotot e mësipërme shihet qartazi se Tirana ka çmimin më të lartë të biletave në krahasim me disa nga vendet e tjera të rajonit edhe nëse do të udhëtonit drejt Budapestit.

Nga fotot e mësipërme shihet qartazi se Tirana ka çmimin më të lartë të biletave në krahasim me disa nga vendet e tjera të rajonit edhe nëse do të udhëtonit drejtë London Luton-it

Nga fotot e mësipërme shihet qartazi se Tirana ka çmimin më të lartë të biletave në krahasim me disa nga vendet e tjera të rajonit edhe nëse do të udhëtonit drejtë Viennës.